Happy Birthday Karisma Kapoor : अभिनेत्री करिश्मा कपूरने आपल्या अभिनयाच्या जोरावर बॉलीवूडमध्ये स्वत:ची एक वेगळी ओळख निर्माण केली. ९० च्या दशकात अनेक गाजलेल्या चित्रपटांमध्ये करिश्माने काम केले होते. गेल्या अनेक वर्षांपासून करिश्मा मोठ्या पडद्यापासून दूर आहे.
हेही वाचा : “मेरे लिए वही मेरा…” कियारा अडवाणीचा ‘तो’ व्हिडीओ व्हायरल; पती सिद्धार्थ मल्होत्राबद्दल खुलासा करीत म्हणाली…
वयाच्या १७ व्या वर्षी आपल्या करिअरला सुरुवात करणाऱ्या करिश्मा कपूरने ‘दिल तो पागल है’, ‘राजा हिंदुस्तानी’, ‘अंदाज अपना अपना’ आणि ‘हम साथ साथ है’ असे एकापेक्षा एक सुपरहिट चित्रपट दिले आहेत. २५ जून १९७४ रोजी जन्मलेली करिश्मा कपूर यंदा आपला ५० वा वाढदिवस साजरा करणार आहे. अभिनेत्रीच्या फिल्मी करिअरबद्दल सर्वांनाच माहिती आहे परंतु, करिश्मा कपूरला ‘लोलो’ कसे पडले? याबद्दल तिच्या वाढदिवसानिमित्त जाणून घेऊया…
हेही वाचा : मराठी चित्रपटाच्या शूटिंगसाठी रितेश देशमुख पोहोचला दिल्लीत; सेटवरचा ‘तो’ फोटो सोशल मीडियावर लीक
करिश्मा कपूरला इंडस्ट्रीतील तिचे जवळचे मित्र-मैत्रिणी, कुटुंबीय आणि पापाराझी सुद्धा कायम ‘लोलो’ नावाने हाक मारत असल्याचे आपण पाहिले असेल. करिश्माला लोलो का म्हणतात याबद्दल फार कमी जणांना माहिती आहे. अभिनेत्रीची आई बबिता कपूर हॉलिवूड अभिनेत्री जीना लोलोब्रिगिडा हिच्या खूप मोठ्या फॅन आहेत. त्यांच्यापासून प्रेरित होऊन त्यांनी त्यांच्या मोठ्या मुलीला ‘लोलो’ हे टोपणनाव दिले.
हेही वाचा : ‘महाराष्ट्राची हास्यजत्रा’ फेम शिवाली परब कॉफी पार्टनरच्या शोधात, अभिनेत्रीच्या ‘त्या’ पोस्टने वेधले लक्ष
करिश्माने कौटुंबिक परंपरा मोडून आई बबिताच्या पाठिंब्याने इंडस्ट्रीत पदार्पण केले. १९९१ मध्ये प्रदर्शित झालेल्या ‘प्रेम कैदी’ चित्रपटातून करिश्माने बॉलीवूडमध्ये पदार्पण केले. पहिल्याच हिट चित्रपटानंतर पुढे अभिनेत्रीचे अनेक सिनेमे बॉक्स ऑफिसवर फ्लॉप ठरले परंतु, १९९६ मध्ये रिलीज झालेल्या ‘राजा हिंदुस्तानी’ चित्रपटामुळे करिश्माच्या करिअरला कलाटणी मिळून अभिनेत्रीने बॉलीवूडमध्ये आपली वेगळे ओळख निर्माण केली.
