Video: रॅम्प वॉक करताना अचानक सोनम कपूर ढसाढसा रडू लागली, नेमकं काय झालं? जाणून घ्या…

अभिनेत्री सोनम कपूर नुकतीच गुरुग्राम येथे आयोजित केलेल्या ‘ब्लेंडर्स प्राइड एक्स एफडीसीआय फॅशन टूर २०२५’मध्ये सामील झाली होती. यावेळी तिने जबरदस्त रॅम्प वॉक केला. पण अचानक तिला अश्रू अनावर झाले. यामागचं कारण होतं दिवंगत प्रसिद्ध फॅशन डिझायनर रोहित बाल उर्फ गुड्डा.

सोनम कपूरने ‘ब्लेंडर्स प्राइड एक्स एफडीसीआय फॅशन टूर २०२५’ या कार्यक्रमात रोहित बाल यांच्यासाठी रॅम्प वॉक केला होता. गेल्या वर्षी नोव्हेंबर महिन्यात रोहित बाल यांचं निधन झालं होतं. वयाच्या ६३व्या वर्षी त्यांनी अखेर श्वास घेतला. त्यांच्या स्मरणार्थ सोनमने रॅम्प वॉक केला आणि हात जोडून त्यांना नमस्कार केला. याच वेळी सोनम रोहित बाल यांच्या आठवणीत रडू लागली.

‘एएनआय’ या वृत्तसंस्थेशी संवाद साधताना सोनम कपूर म्हणाली की, मी गुड्डा यांच्यासाठी इथे आली होती, ज्यामुळे मी खूप आनंदी आहे. मला बऱ्याचदा त्यांनी डिझाइन केलेले कपडे घालायला मिळाले, हे माझं भाग्य आहे.

सोनम कपूरने इन्स्टाग्रामवर रोहित बाल यांनी डिझाइन केलेल्या आउफिटमध्ये सुंदर फोटो शेअर केले आहेत. ऑफ व्हाइट गाउनबरोबर सुंदर नक्षी असलेलं जॅकेट सोनमने घातलेलं पाहायला मिळत आहे. या आउफिटवर तिने केसात बरेच गुलाब माळले आहेत. हे फोटो शेअर करत सोनमने लिहिलं की, रोहित बाल यांना श्रद्धांजली देण्यासाठी रॅम्प वॉक करणं हा सन्मान आहे. त्यांची सर्जनशीलता, दृष्टी आणि वारसा यांनी भारतीय फॅशनला आकार दिला आहे. त्यांच्या स्मरणार्थ रॅम्प वॉक करणं भावनिक आणि प्रेरणादायी होतं. ते एक आयकॉन होते आणि नेहमी असतील.

दरम्यान, सोनम कपूरच्या कामाबद्दल बोलायचं झालं तर, ती शेवटची ‘ब्लाइंड’ चित्रपटात झळकली होती. ७ जुलै २०२३ला प्रदर्शित झालेल्या या क्राइम थ्रिलर चित्रपटात सोनमसह पूरब कोहली, विनय पाठक आणि लिलेट दुबे प्रमुख भूमिकेत पाहायला मिळाले होते. ‘एएनआय’ या वृत्तसंस्थेनुसार, सोनमने दोन नवीन प्रोजेक्ट्स साइन केले आहेत. ज्याबद्दल लवकरच जाहीर केलं जाणार आहे.