‘दृश्यम २’ अभिनेत्रीचे कंगनाने केले कौतुक; म्हणाली “वयाच्या ५० व्या वर्षी स्टारडम…”

अजय देवगणचा थरारपट ‘दृश्यम २’ प्रदर्शित झाला आहे. या चित्रपटाला प्रेक्षकांचा उत्तम प्रतिसाद मिळत आहे. या चित्रपटात तब्बूदेखील महत्वाच्या भूमिकेत आहे. कंगनाने तब्बूसाठी एक खास इन्स्टाग्राम पोस्ट शेअर केली आहे. ज्यात तिने असं लिहलं आहे, “या वर्षी फक्त दोन हिंदी चित्रपटांनी चांगले काम केले आहे एक म्हणजे भूल भुलैया २ आणि दृष्यम २, या दोन्ही चित्रपटात तब्बू यांनी मध्यवर्ती भूमिका साकारल्या आहेत ते देखील त्यांच्या ५० वर्षी, त्यांनी स्वतःच्या बळावर हिंदी चित्रपट चालवले आहेत. तिची प्रतिभा आणि सातत्य यावर कधीच प्रश्नचिन्ह उपस्थित केले गेले नाही परंतु तिचे सर्वोत्तम दिसणे आणि वयाच्या ५० वर्षी स्टारडमपर्यंत पोहचणे हे कौतुकास्पद आहे. मला वाटते की महिलांना त्यांच्या समर्पणासाठी जास्त श्रेय मिळायला हवं.” अशा शब्दात तिने आपल्या भावना व्यक्त केल्या.

गोव्याचे किनाऱ्यावर : सारा, वरुणची बीचवर धमाल मस्ती! iffi चित्रपट महोत्सवाला लावणार हजेरी

या चित्रपटाच्या प्रदर्शना आधीच याने नवे रेकॉर्ड करायला सुरुवात केली. पहिल्या दिवशी या चित्रपटाने ऑफिसवर मोठा गल्ला जमवला. आता त्या पाठोपाठ दुसऱ्या दिवशी या चित्रपटाने रेकॉर्डब्रेक कमाई केली आहे. प्रदर्शनाच्या दुसऱ्या दिवशी चित्रपटाने २१.५९ कोटींची रेकॉर्डब्रेक कमाई केली आहे.

कंगना ‘इमर्जन्सी चित्रपटात अभिनयाच्याबरोबरीने स्वतः दिग्दर्शनदेखील करत आहे. या चित्रपटात तिच्याबरोबरीने अभिनेता श्रेयस तळपदे, मिलिंद सोमण, अनुपम खेर यांसह अभिनेत्री महिमा चौधरी महत्त्वाच्या भूमिका साकारताना दिसणार आहे.