‘बधाई हो’ चित्रपटाचे दिग्दर्शक अमित शर्मा आणि अभिनेता अजय देवगण यांचा ‘मैदान’ हा सातव्यांदा पुढे ढकण्यात आल्याने आता या चित्रपटाबद्दल सगळेच लोक चिंता व्यक्त करत आहेत. आधी गेल्यावर्षी हा चित्रपट ‘आरआरआर’सह प्रदर्शित केला जाणार होता, पण नंतर त्याची तारीख बदलून जून २०२३ अशी करण्यात आली, पण नंतरही काही कारणास्तव चित्रपट पुढे ढकलला गेला आहे.
चित्रपटाचा टीझर येऊनसुद्धा ६ महीने उलटून गेले आहेत तरी चित्रपटाच्या प्रदर्शनाबद्दल अजूनही प्रश्नचिन्ह कायम आहे. नुकतंच याचे निर्माते बोनी कपूर यांनी याबद्दल भाष्य केलं आहे. हा चित्रपट ज्या वेगाने पुढे ढकलला जातोय ते फारच चिंताजनक असल्याचं बोनी कपूर यांनी स्पष्ट केलं आहे. एकूणच या चित्रपटाच्या प्रदर्शनात येणाऱ्या अडचणींचा त्यांनाही त्रास होत असल्याचं त्यांनी कबूल केलं.
आणखी वाचा : चंकी पांडेसह काम करण्यास दिव्या भारतीने दिलेला नकार; निर्माते पेहलाज निहलानी यांचा खुलासा
‘न्यू इंडियन’शी संवाद साधताना बोनी कपूर म्हणाले, “हा चित्रपट भारतीय फुटबॉलचा सुवर्णकाळ आपल्यासमोर सादर करणार आहे. हा चित्रपट गेल्यावर्षीच प्रदर्शित होणार होता, पण अद्याप माझ्या हातात याचा ट्रेलरही आलेला नाही. हा चित्रपट सोडला तर माझी कुठलीच देणी द्यायची बाकी नाहीत. मी कधीच निराश झालेलो नाही, हार मानलेली नाही पण मैदानची अवस्था पाहून माझी झोप उडाली आहे.”
पुढे बोनी म्हणाले, “आयुष्यात प्रथम असं झालंय की काही गोष्टी माझ्याही हातात नाहीत. यात माझे काही सहनिर्माते आणि अभिनेते यांचेही पैसे अडकले आहेत. मी कोणतंही मोठं पाऊल उचलू शकत नाही कारण संपूर्ण टीम माझ्यावर अवलंबून आहे. आम्ही खूप काही सहन केलं आहे. आम्ही एक संपूर्ण फुटबॉलचं ग्राऊंड उभं केलं तेही नैसर्गिकरित्या गवत उगवून, कारण हा चित्रपट ५० व ६० च्या दशकातला असल्याने कृत्रिम गवत दाखवून चालणार नव्हतं. हा एवढा सेट उभा राहायला तीन वर्षं लागली अन् आमचं बजेट वाढलं, हे सगळं सांभाळणं कठीणच होतं. आमच्या चित्रपटावर तेव्हा ५०० ते ६०० लोक दिवसाला काम करायचे, त्यांचं सगळ्यांचं जेवण ताजमधून यायचं, याबरोबरच सेटवर ३ रुग्णवाहिका कायम असायच्या.”
आणखी वाचा : हस्तमैथुनसारख्या विषयामुळे सेन्सॉरच्या कात्रीत सापडलेला ‘OMG 2’ आता ओटीटीवर; वाचा कधी व कुठे पाहता येणार?
यानंतरही अडचणी थांबल्या नाहीत. कोविड, चक्री वादळामुळे झालेलं ग्राऊंडचं नुकसान यामुळे आणखी बिकट अवस्था झाली. बोनी म्हणाले, “कोविड आणि वादळ यासारख्या नैसर्गिक आपत्तीमुळे अधिक फटका बसला. यामुळे सगळंच आणखी अवघड होत गेलं अन् दुर्दैवाची गोष्ट म्हणजे हे सगळं नुकसान भरून काढण्यासाठी कोणताही विमा, इन्शुरेस नाहीये.” अशा रीतीने अजूनही ‘मैदान’चं भवितव्य अंधारातच आहे, अद्याप निर्मात्यांनी याबाबतीत कोणताही निर्णय घेतलेला नाही.
चित्रपटाचा टीझर येऊनसुद्धा ६ महीने उलटून गेले आहेत तरी चित्रपटाच्या प्रदर्शनाबद्दल अजूनही प्रश्नचिन्ह कायम आहे. नुकतंच याचे निर्माते बोनी कपूर यांनी याबद्दल भाष्य केलं आहे. हा चित्रपट ज्या वेगाने पुढे ढकलला जातोय ते फारच चिंताजनक असल्याचं बोनी कपूर यांनी स्पष्ट केलं आहे. एकूणच या चित्रपटाच्या प्रदर्शनात येणाऱ्या अडचणींचा त्यांनाही त्रास होत असल्याचं त्यांनी कबूल केलं.
आणखी वाचा : चंकी पांडेसह काम करण्यास दिव्या भारतीने दिलेला नकार; निर्माते पेहलाज निहलानी यांचा खुलासा
‘न्यू इंडियन’शी संवाद साधताना बोनी कपूर म्हणाले, “हा चित्रपट भारतीय फुटबॉलचा सुवर्णकाळ आपल्यासमोर सादर करणार आहे. हा चित्रपट गेल्यावर्षीच प्रदर्शित होणार होता, पण अद्याप माझ्या हातात याचा ट्रेलरही आलेला नाही. हा चित्रपट सोडला तर माझी कुठलीच देणी द्यायची बाकी नाहीत. मी कधीच निराश झालेलो नाही, हार मानलेली नाही पण मैदानची अवस्था पाहून माझी झोप उडाली आहे.”
पुढे बोनी म्हणाले, “आयुष्यात प्रथम असं झालंय की काही गोष्टी माझ्याही हातात नाहीत. यात माझे काही सहनिर्माते आणि अभिनेते यांचेही पैसे अडकले आहेत. मी कोणतंही मोठं पाऊल उचलू शकत नाही कारण संपूर्ण टीम माझ्यावर अवलंबून आहे. आम्ही खूप काही सहन केलं आहे. आम्ही एक संपूर्ण फुटबॉलचं ग्राऊंड उभं केलं तेही नैसर्गिकरित्या गवत उगवून, कारण हा चित्रपट ५० व ६० च्या दशकातला असल्याने कृत्रिम गवत दाखवून चालणार नव्हतं. हा एवढा सेट उभा राहायला तीन वर्षं लागली अन् आमचं बजेट वाढलं, हे सगळं सांभाळणं कठीणच होतं. आमच्या चित्रपटावर तेव्हा ५०० ते ६०० लोक दिवसाला काम करायचे, त्यांचं सगळ्यांचं जेवण ताजमधून यायचं, याबरोबरच सेटवर ३ रुग्णवाहिका कायम असायच्या.”
आणखी वाचा : हस्तमैथुनसारख्या विषयामुळे सेन्सॉरच्या कात्रीत सापडलेला ‘OMG 2’ आता ओटीटीवर; वाचा कधी व कुठे पाहता येणार?
यानंतरही अडचणी थांबल्या नाहीत. कोविड, चक्री वादळामुळे झालेलं ग्राऊंडचं नुकसान यामुळे आणखी बिकट अवस्था झाली. बोनी म्हणाले, “कोविड आणि वादळ यासारख्या नैसर्गिक आपत्तीमुळे अधिक फटका बसला. यामुळे सगळंच आणखी अवघड होत गेलं अन् दुर्दैवाची गोष्ट म्हणजे हे सगळं नुकसान भरून काढण्यासाठी कोणताही विमा, इन्शुरेस नाहीये.” अशा रीतीने अजूनही ‘मैदान’चं भवितव्य अंधारातच आहे, अद्याप निर्मात्यांनी याबाबतीत कोणताही निर्णय घेतलेला नाही.
