Chhaava Box Office Collection Day 12 : ‘छावा’ सिनेमाची संपूर्ण देशभरात चर्चा चालू आहे. १४ फेब्रुवारीला प्रदर्शित झालेल्या या सिनेमाने बॉक्स ऑफिसवर इतिहास रचला आहे. प्रदर्शित झाल्यावर पहिल्याच दिवशी या सिनेमाने तब्बल ३३.१ कोटींची कमाई केली होती. व्हॅलेंटाइन डे दिवशी प्रदर्शित होणाऱ्या सिनेमांमध्ये ‘छावा’ने आजवर सर्वाधिक कमाई केली आहे. यापूर्वी आलिया-रणवीरच्या ‘गल्ली बॉय’ चित्रपटाच्या नावावर हा रेकॉर्ड होता.
सध्या सर्वत्र ‘छावा’ सिनेमाचे शो हाऊसफुल सुरू आहेत. ‘छावा’मुळे विकी कौशलच्या फिल्मी करिअरला देखील नवीन कलाटणी मिळाली आहे. ३०० कोटींच्या क्लबमध्ये एन्ट्री घेणारा ‘छावा’ हा विकीची प्रमुख भूमिका असलेला पहिला चित्रपट ठरला आहे. १४ फेब्रुवारी ते २१ फेब्रुवारी या सात दिवसांमध्ये विकी कौशलच्या सिनेमाने बॉक्स ऑफिसवर तब्बल २२५.२८ कोटींची कमाई केली. यानंतर सिनेमाने आठव्या दिवशी २४.०३ कोटी, नवव्या दिवशी ४४.१ कोटी, दहाव्या दिवशी ४१.१ कोटी आणि अकराव्या दिवशी या सिनेमाने १९.१० कोटींचा गल्ला जमावला.
‘छावा’च्या बाराव्या दिवशीच्या म्हणजे प्रदर्शित झाल्यापासून दुसऱ्या मंगळवारच्या कलेक्शनबद्दल सांगायचं झालं, तर सिनेमाने १९.२३ कोटी कमावले आहेत. यामुळे ‘छावा’चं एकूण कलेक्शन ३७२.८४ कोटी एवढं झालं आहे.
‘छावा’ सिनेमा बॉक्स ऑफिस कलेक्शन ( India Net Collection )
- पहिला आठवडा ( सात दिवस : १४ फेब्रुवारी – २१ फेब्रुवारी ) – २२५.२८ कोटी
- आठवा दिवस – २४.०३ कोटी
- नववा दिवस – ४४.१० कोटी
- दहावा दिवस – ४१.१ कोटी
- अकरावा दिवस – १९.१० कोटी
- बारावा दिवस – १९.२३ कोटी
- एकूण कलेक्शन – ३७२.८४ कोटी*
‘छावा’ने दुसऱ्या मंगळवारी बॉक्स ऑफिसवर ‘बाहुबली २’, शाहरुख खानच्या ‘पठाण’ या सिनेमांना मागे टाकलं आहे. ‘छावा’ सिनेमाला देशभरात मुंबई आणि पुणे या दोन शहरांमध्ये सर्वाधिक पसंती मिळत आहे.
१२ व्या दिवशी ‘या’ सिनेमांनी खालीलप्रमाणे कमाई केली होती…
१. पुष्पा २ – १९.५० कोटी
२. छावा – १७ कोटी*
३. बाहुबली २ – १५.७५ कोटी ( हिंदी )
४. पठाण – १४.८० कोटी
५. अ‍ॅनिमल – १२.३७ कोटी
दरम्यान, ‘छावा’मध्ये विकीसह रश्मिका मंदाना, अक्षय खन्ना, आशुतोष राणा, विनीत सिंह, दिव्या दत्ता, डायना पेंटी, प्रदीप रावत, नील भूपालम, संतोष जुवेकर असे कलाकार महत्त्वाच्या भूमिकेत झळकले आहेत.
