सलमान खानच्या सुरक्षेवर उपमुख्यमंत्री देवेंद्र फडणवीस यांचं मोठं वक्तव्य; म्हणाले, “भारतात व मुंबईत…”

रजत शर्मांच्या मुलाखतीत सलमानने सतत जिवे मारण्याच्या धमकीवर खुलेपणाने भाष्य केले. मला कितीही धमक्या आल्या तरीही यूएईमध्ये सुरक्षित वाटते. पण भारतामध्ये थोडी समस्या आहे, असे सलमान म्हणाला होता. सलमानच्या या वक्तव्यानंतर राज्याचे उपमुख्यमंत्री देवेंद्र फडणवीस यांनी मोठे विधान केले आहे. फडणवीस म्हणाले, सलमान खान याला देण्यात आलेली सुरक्षा सर्वोच्च दर्जाची आहे. त्याला मुंबईत किंवा भारतात कुठेही फिरायला हरकत नाही. मला वाटते मुंबईपेक्षा कुठलीही जागा सुरक्षित नाही. फडणवीस यांनी सलमान खान याच्या सुरक्षेबद्दल केलेले वक्तव्य चांगलेच चर्चेत आले आहे.

हेही वाचा- ठरलं तर! ‘या’ दिवशी होणार परिणीती चोप्रा आणि राघव चड्ढा यांचा सारखपुडा

स्वत:च्या सुरक्षेबाबात काय म्हणाला होता सलमान?

सतत येणाऱ्या धमकीनंतर कसे जगतोय याबाबतही सलमानने बिनधास्तपणे संवाद साधला. सलमान म्हणाला, “मी प्रत्येक ठिकाणी पूर्ण सुरक्षेत जात आहे. मला माहिती आहे की, कितीही प्रयत्न केला तरी जे व्हायचे ते होणार आहे. मला वाटते देव आहे. याचा अर्थ मी उघडपणे फिरायचे असा नाही. आता माझ्याभोवती खूप सारे शेरा आहेत. माझ्याभोवती इतक्या बंदुका आहेत की, कधी कधी मलाच भीतीच वाटते.” “जे काही मला सांगितले जात आहे, त्या सर्व गोष्टी मी करीत आहे. ‘किसी का भाई किसी की जान’ चित्रपटात एक डायलॉग आहे, त्यानुसार तुम्हाला १०० वेळा भाग्यवान असावे लागते. पण मला फक्त एकदाच भाग्यवान ठरायचे आहे. त्यामुळे मला फार काळजी घ्यावी लागणार आहे,” असेही सलमान म्हणाला.

हेही वाचा- प्रियांका चोप्राने ‘मेट गाला’मध्ये घातला हिऱ्यांचा महागडा हार; कोटीत नाही तर अरबो रुपयांत आहे किंमत

सलमानला मिळणाऱ्या धमक्यांनंतर कंगनाचे वक्तव्य

सलमानला मिळणाऱ्या या धमक्यांबद्दल नुकतेच अभिनेत्री कंगना रणौतने भाष्य केले आहे. सलमानला मिळालेल्या सुरक्षेवरून तिने देशाच्या सुरक्षेबद्दल वक्तव्य केले आहे. या धमक्यांमुळे घाबरून जायची काहीही गरज नाही, असेही कंगना म्हणाली.