“चित्रपट असो किंवा लग्न मुलगी कायम… ” हुमा कुरेशीने खंत व्यक्त केली

डबल एक्सएल’ हा चित्रपट बॉडी शेमिंगसारख्या विषयावर भाष्य करणारा आहे. या चित्रपटाच्या निमित्ताने माध्यमांशी बोलताना हुमाने सांगितले की चित्रपट असो किंवा लग्न जुळणाऱ्या वेबसाईट प्रत्येक ठिकाणी मुलगी सडपातळ, गोरी आणि सुंदर हवी असते, मुलगा कसाही असो. जेव्हा मी चित्रपटांमध्ये काम करण्यास सुरवात केली तेव्हा माझ्या चित्रपटाचे समीक्षण करताना कोणीतरी लिहले होते हुमा कुरेशी सुंदर दिसते, परंतु मुख्य प्रवाहातील नायिकेसाठी तिचे वजन ५ किलो जास्त आहे. त्या समीक्षणातील ओळींनी माझे हृदय चिरल्यासारखे झाले होते.

Photos : संसार नव्हे तर करिअरला प्राधान्य! बॉलिवूडमध्ये काम करण्यासाठी ‘या’ अभिनेत्रींनी सोडली पतीची साथ

सोनाक्षी सिन्हा आणि हुमा कुरेशी या चित्रपटातून लठ्ठ महिलांची कहाणी प्रेक्षकांच्या भेटीला घेऊन येत आहेत. ज्या आपली स्वप्न पूर्ण करू इच्छितात. सतराम रमानी यांच्या दिग्दर्शन असलेल्या या चित्रपटात लठ्ठ महिलांसंबंधी असलेल्या काही समस्या आणि गैरसमजांवर भाष्य केलं जाणार आहे. याच चित्रपटात शिखर धवन पाहुण्या कलाकाराच्या भूमिकेत दिसणार आहे.

हा एक विनोदी चित्रपट असून तो ४ नोव्हेंबरला प्रेक्षकांच्या भेटीला येणार आहे. या चित्रपटात सोनाक्षी आणि हुमाच्या त्यांच्यासोबत अभिनेता झहीर इक्बाल आणि महत राधवेंद्र दिसणार आहेत. या दोन कलाकारांशिवाय या चित्रपटात क्रिकेटर शिखर धवनही दिसणार आहे. शिखर या चित्रपटात खास भूमिका साकारणार आहे.