“मी हिंदू आहे, याचा अर्थ मी…”; एकता कपूर नेमकं काय म्हणाली?

चित्रपटाबद्दल पंतप्रधान मोदींशी बोलणं झालं का?

पत्रकार परिषदेदरम्यान एकता कपूरला विचारण्यात आलं की, तिने हा चित्रपट बनवण्याबाबत पंतप्रधान नरेंद्र मोदींशी संवाद साधला होता का. कारण जेव्हा २००२ मध्ये ही घटना घडली तेव्हा मोदी गुजरातचे मुख्यमंत्री होते. या प्रोजेक्टसाठी आपण पंतप्रधान मोदी किंवा केंद्र सरकारमधील कोणाचीही मदत घेतलेली नाही, असं एकताने स्पष्ट केलं. “मी कोणत्याही राजकीय गटाशी संबंधित नाही. मी फक्त सत्याच्या बाजूने आहे,” असं एकता म्हणाली. आज तकने हे वृत्त दिलंय.

हेही वाचा – लग्नानंतर वर्षभरात पतीच्या अफेअरबद्दल समजलं, घटस्फोट घ्यायचा होता पण तरीही केला १२ वर्षे संसार; झीनत अमान कारण सांगत म्हणालेल्या…

चित्रपटाचं प्रदर्शन अन् महाराष्ट्रातील निवडणुका

‘द साबरमती रिपोर्ट’ चित्रपट १५ नोव्हेंबरला प्रदर्शित होतोय, त्याच काळात महाराष्ट्रात विधानसभा निवडणुका आहेत, याबाबत विचारल्यावर एकता म्हणाली, “चित्रपटाच्या प्रदर्शनाची तारीख खूप आधी जाहीर झाली होती. याचा निवडणुकीशी काहीही संबंध नाही.”

हेही वाचा – “तोंड रक्ताने माखलेली एक…”, दिव्या भारतीच्या निधनाबद्दल बॉलीवूड अभिनेत्रीचा मोठा खुलासा; तिला पडताना ‘या’ व्यक्तीने पाहिल्याचा केला दावा

मी हिंदू आहे – एकता कपूर

या चित्रपटातून कोणत्याही धर्माला लक्ष्य करत नसल्याचं एकताने स्पष्ट केलं. “मी हिंदू आहे, याचा अर्थ मी धर्मनिरपेक्ष आहे. मी कोणत्याही धर्मावर कधीच भाष्य करणार नाही कारण मी हिंदू आहे,” असं ती म्हणाली. तसेच सेन्सॉरशिपबद्दल विचारलं कोणालाच घाबरत नसल्याचं वक्तव्य तिने केलं.

हेही वाचा – घटस्फोटित अभिनेत्रीने ११ वर्षांनी मोठ्या आध्यात्मिक गुरूशी केलं दुसरं लग्न, फोटो झाले व्हायरल

‘द साबरमती रिपोर्ट’ हा चित्रपट २७ फेब्रुवारी २००२ रोजी गोधरामध्ये साबरमती एक्सप्रेसमध्ये घडलेल्या घटनेवर आधारित आहे. या चित्रपटात विक्रांत मॅस्सी, राशी खन्ना, रिद्धी डोगरा यांच्या मुख्य भूमिका आहेत. या चित्रपटाचे दिग्दर्शन धीरज सरनाने केले आहे. हा चित्रपट १५ नोव्हेंबरला प्रदर्शित होईल.