Express Adda Live : टेलिव्हिजन अकादमीकडून देण्यात येणारा ‘एमी पुरस्कार’ हा मनोरंजन विश्वातील मानाचा पुरस्कार समजला जातो. या सोहळ्यात कलाकार आणि मनोरंजन क्षेत्राशी संबंधित तंत्रज्ञांना सन्मानित करण्यात येतं. सप्टेंबरमध्ये या प्रतिष्ठीत पुरस्कारांच्या नामांकनाची घोषणा करण्यात आली होती. या यादीत शेफाली शाह, वीर दास आणि जिम सरभ या भारतीय कलाकारांचाही समावेश आहे. याच पार्श्वभूमीवर हे तिन्ही कलाकार आज ‘द इंडियन एस्क्प्रेसच्या’ एक्स्प्रेस अड्डामध्ये सहभागी झाले आहेत.
शेफाली शाह, वीर दास आणि जिम सरभ यांच्याशी ‘द इंडियन एस्क्प्रेसच्या’ एक्स्प्रेस अड्डामध्ये एक्झ्युकेटिव्ह एडिटर अनंत गोएंका संवाद साधत आहेत. पाहा व्हिडीओ…
यापूर्वी अभिनेत्री करीना कपूर खान, निर्माता-दिग्दर्शक करण जोहर हे दोघे एक्स्प्रेस अड्डामध्ये सहभागी झाले होते. दरम्यान, ‘एमी पुरस्कार २०२३’ मध्ये शेफाली शाहला ‘दिल्ली क्राइम २’ या सीरिजसाठी सर्वोत्कृष्ट अभिनेत्री विभागात, तर जिम सरभला सर्वोत्कृष्ट अभिनेता म्हणून नामांकन जाहीर झालं आहे. तसेच वीर दासला ‘वीर दास : लॅन्डिंग’ या विनोदी कार्यक्रमासाठी नामांकन जाहीर झालं आहे.
