शाहरुख खान सध्या त्याच्या ‘पठाण’ चित्रपटामुळे चांगलाच चर्चेत आहे. काही जण या चित्रपटावर बहिष्कार घालण्याची मागणी करत आहेत. पण तसं जरी असलं तरी शाहरुख खान आणि ‘पठाण’बद्दल प्रेक्षकांच्या मनात असलेली क्रेझ कमी झालेली नाही. या चित्रपटाच्या ॲडव्हान्स बुकिंगला सर्वत्र तुफान प्रतिसाद मिळत आहे. अशातच शाहरुखने ट्विटरवर ‘आस्क एसआरके’ या प्रश्न-उत्तरांच्या सेशनच्या माध्यमातून चाहत्यांशी संवाद साधला. यावेळी एका चाहत्याने त्याला त्याच्या नवजात लेकीचं नाव ठेवण्याची विनंती केली. त्याच्या या प्रश्नावर शाहरुखने दिलेल्या उत्तराने सर्वांचं लक्ष वेधलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

काही दिवसांपूर्वीच शाहरुखने ट्विटरवरून चाहत्यांशी संवाद साधला होता. त्यावेळी एका चाहत्याने त्याला म्हटलं होतं की, “आम्हाला मुलगा किंवा मुलगी होईल त्याचं नाव तूच ठेव. प्लीज मला दोन्ही नावं सांग.” तेव्हा शाहरुखनेही या ट्वीटला उत्तर दिलं होतं. तो म्हणाला होता, “आधी तुम्हाला बाळ होऊ दे मग त्याचं नाव ठरवू. पण तुझं आणि तुझ्या पत्नीचं अभिनंदन. तंदुरुस्त रहा.” आता शाहरुखच्या या चाहत्याला कन्यारत्न प्राप्त झालं आहे. आता पुन्हा एकदा त्याने ट्विट करत त्याच्या लेकीसाठी नाव सुचवण्याची विनंती किंग खान केली.

आणखी वाचा

आणखी वाचा : “आमच्या होणाऱ्या बाळाचं नाव तू ठेव…” चाहत्याच्या मागणीवर शाहरुख खानचं भन्नाट उत्तर, म्हणाला, “तुम्हा दोघांना…”

शाहरुखने आज त्याच्या ट्विटर अकाउंटवर एक ‘आस्क एसआरके’ हे प्रश्न उत्तरांचं सेशन घेतलं. या सेशनच्या वेळी त्याच्या या चाहत्याने ट्वीट करत त्याला म्हटलं, “आज सकाळी नऊ वाजता आम्हाला मुलगी झाली. तिचं नाव तू ठेवायचं. प्लीज तिचं नाव ठेव.” त्याच्या या ट्विटला शाहरुखनेही आनंदाने उत्तर दिलं. या ट्वीटला रिप्लाय देत शाहरुख म्हणाला, “किती छान! देवाचे आशीर्वाद तिच्यावर कायम राहोत.” आता त्याने दिलेलं हे उत्तर चांगलंच चर्चेत आलं आहे.

हेही वाचा : “तू आता रिटायरमेंट घे,” नेटकऱ्याच्या सल्ल्यावर शाहरुख खानचं चोख उत्तर, म्हणाला…

दरम्यान, ‘पठाण’ या चित्रपटात शाहरुख खान आणि दीपिका पदुकोणबरोबर जॉन अब्राहमसुद्धा महत्त्वाच्या भूमिकेत दिसणार आहे. हा चित्रपट २५ जानेवारी २०२३ रोजी प्रदर्शित होणार आहे.