बॉलिवूड अभिनेत्रींमधील टॉप अभिनेत्रीपैकी एक म्हणून कतरिना कैफला ओळखले जाते. ती कायमच विविध कारणांमुळे चर्चेत असते. सध्या ती तिच्या आगामी फोन भूत या चित्रपटामुळे चर्चेत आहे. येत्या ४ नोव्हेंबरला तिचा फोन भूत हा चित्रपट प्रदर्शित होत आहे. सध्या कतरिना या चित्रपटाच्या प्रमोशनमध्ये व्यस्त आहे. या चित्रपटाची तिचे चाहते आतुरतेने वाट बघत आहेत कारण लग्नानंतरचा तिचा हा पहिला चित्रपट असणार आहे. या चित्रपटाच्या प्रमोशनसाठी ती विविध कार्यक्रमांमध्ये हजेरी लावत आहे. दरवेळी कतरिना एका वेगळ्या लूकमध्ये प्रेक्षकांसमोर येत आहे. परंतु आता अनेकजण तिच्या दिसण्यावर टीका करत तिला खूप ट्रोल करत आहेत.
आणखी वाचा : Video: विकी कौशल बनला कतरिना कैफचा दिग्दर्शक; व्हिडीओ पोस्ट करत अभिनेत्री म्हणाली…
कतरिना सध्या ‘फोन भूत’ चित्रपटाचे जोरदार प्रमोशन करताना दिसत आहे. अशाच एका प्रमोशन दरम्यानचा तिचा एक फोटो प्रचंड व्हायरल होत आहे. कतरिनाने काही वर्षांपूर्वी प्लॅस्टिक सर्जरी केली असल्याचे समोर आले होते. ती सर्जरी केल्यानंतर कतरिनाचा चेहरा आणखीनच बिघडला आहे असे नेटकरी म्हणत आहेत.
एका नेटकऱ्याने सोशल मीडियावर कतरिनाचा काही वर्षांपूर्वीचा आणि आताचा असे दोन फोटो कोलाज करून पोस्ट केले. हे फोटो पोस्ट करताना त्याने लिहिले, “कतरिनाला सगळे बार्बी डॉल म्हणतात आणि ते बरोबरच आहे. कारण प्लॅस्टिक सर्जरी केल्यावर तिचा चेहरा आणखीनच चमत्कारिक दिसू लागला आहे. तिने का ही सर्जरी केली…”
त्यावर अनेक नेटकऱ्यांनी कमेंट्स करत त्याला सहमती दर्शवत कतरिनाने तिच्या चांगल्या चेहऱ्याची वाट लावून घेतली आहे असं सांगितलं. कतरिनाचा हा नावा लूक नेटकऱ्यांना अजिबात आवडलेला नाहीये. त्यावरून नेटकऱ्यांनी कतरिनाला ट्रोल करण्यास सुरुवात केली आहे.
हेही वाचा : Bigg Boss 16: ‘बिग बॉस’च्या घरात येणार नवा ट्विस्ट, होणार कतरिना कैफची एंट्री आणि…
दरम्यान कतरिना लवकरच ‘फोन भूत’ या चित्रपटातून प्रेक्षकांच्या भेटीला येत आहे. सध्या तिच्या आगामी चित्रपटाच्या प्रमोशनमध्ये ती व्यग्र आहे. या चित्रपटात ती दुहेरी भूमिकेत दिसणार आहे. ‘फोन भूत’ चित्रपटात कतरिनाबरोबर अभिनेता इशान खट्टर आणि सिद्धांत चतुर्वेदीही झळकणार आहेत.
