शाहरुख खान आणि दीपिका पदुकोण यांची प्रमुख भूमिका असलेल्या 'पठाण'च्या पहिल्या 'बेशरम रंग' या गाण्यावरून वाद सुरू असतानाच आता या चित्रपटातलं दुसरं गाणं प्रदर्शित झालं आहे. 'झुमे जो पठाण' असं या गाण्याचं नाव असून या गाण्यातही शाहरुख आणि दीपिका यांची हॉट केमिस्ट्री पाहायला मिळत आहे. हे गाणं प्रदर्शित होऊन तीन तासही झाले नाहीत त्याआधीच या गाण्याला लाखो व्ह्यूज मिळाले आहेत. 'बेशरम रंग' या गाण्यात दीपिका पदुकोणच्या भगव्या बिकिनीने सर्वांचे लक्ष वेधलं. आता या दुसऱ्या गाण्यामुळे एका वेगळ्याच गोष्टीची चर्चा होत आहे. 'बेशरम रंग'प्रमाणेच ‘झुमे जो पठाण’ हे गाणं हे शाहरुख आणि दीपिकावर चित्रित झालं आहे. हे गाणं प्रदर्शित होताच सोशल मीडियावर प्रचंड व्हायरल झालं आहे. शाहरुख खानने या गाण्याचा एक टीझर सोशल मीडियावर पोस्ट करत हे गाणं प्रदर्शित झाल्याची बातमी चाहत्यांना सांगितली. त्यावर नेटकऱ्यांनी तुफान प्रतिक्रिया दिल्या आहेत. या गाण्यापेक्षाही एका वेगळ्याच गोष्टीकडे नेटकरी जास्त आकर्षित झाले आहेत. आणखी वाचा : “सगळं आहे पण तू नाहीस…” शाहरुख खानला ‘पठाण’मध्ये हवा होता ‘हा’ आघाडीचा अभिनेता, व्यक्त केलं दुःख हे गाणं अरिजित सिंगने गायलं आहे. तर त्याचप्रमाणे शाहरुख आणि दीपिकावर चित्रित झालेल्या या गाण्यात ती दोघंही थिरकताना दिसत आहेत. या गाण्यातली त्यांची केमिस्ट्री आणि त्यांचा बोल्ड अंदाज नेटकऱ्यांना चांगलाच भावला आहे. हेही वाचा : ‘पठाण’ चित्रपटात कॅमिओ करण्यासाठी सलमान खानने आकारले ‘इतके’ मानधन, आकडा ऐकून व्हाल आश्चर्यचकित शाहरुखने पोस्ट केलेल्या या गाण्याच्या टीझरवर नेटकरी भरभरून प्रतिक्रिया देत आहेत. अनेक जणांनी कमेंट करत हे गाणं आणि दीपिका आणि शाहरुख यांची केमिस्ट्री खूप आवडल्याचं सांगितलं आहे. तर अनेकांनी त्या दोघांचा डान्स आणि त्यांचा हटके लूक यांनी त्यांना भुरळ घातल्याचं सांगितलं आहे. हे गाणं सोशल मीडियावर धुमाकूळ घालत आहे.
