शाहरुख खान प्रत्येक चित्रपटानंतर फराह खानला द्यायचा ‘ही’ महागडी भेटवस्तू; दिग्दर्शिका स्वतः खुलासा करीत म्हणाली…

प्रत्येक चित्रपटानंतर शाहरुखने मला…

अभिनेत्री अर्चना पूरन सिंग यांच्या व्लॉगमध्ये फराह खानने हजेरी लावली होती. या व्लॉगमध्ये आतापर्यंत या कलाकाराकडून कोणत्या महागड्या भेटवस्तू म्हणून मिळाल्या, याबाबत फराह खानने खुलासा केला. फराह खानने म्हटले, “प्रत्येक चित्रपटानंतर शाहरुखने मला कार गिफ्ट म्हणून दिली आहे.” त्यांच्या या वक्तव्यानंतर अर्चना पूरन सिंग यांनी फराह खानने नवीन चित्रपट बनवला पाहिजे, असा सल्ला दिला. त्यावर फराह खानने म्हटले, “हो, मला नवीन चित्रपट दिग्दर्शित करायचा आहे. एखादा चित्रपट दिग्दर्शित करून, मला खूप वेळ झाला आहे आणि मला नवीन कारसुद्धा हवी आहे.”

२०१४ मध्ये जेव्हा हॅपी न्यू इयर प्रदर्शित झाला, त्यावेळी शाहरुखने फराह खानला मर्सिडीज एसयूव्ही कार भेट दिली होती. ओम शांती ओम चित्रपटानंतर अभिनेत्याने मर्सिडीज कार भेट म्हणून दिली होती. तर मैं हूँ ना चित्रपटानंतर किंग खानने फराह खानला ह्युंदाई टेराकन ही गाडी भेट दिली होती.

फराह खान व शाहरुख खान यांच्यात व्यावसायिक नात्याबरोबरच चांगली मैत्री असल्याचे पाहायला मिळते. नुकत्याच एका मुलाखतीत फराह खानने म्हटले की, जेव्हा ती बाळ होण्यासाठी प्रयत्न करत होती, त्यावेळी ती अनेक चढ-उतारांचा सामना करत होती. तिच्या वाईट काळात शाहरुख तिच्याबरोबर होता, असे तिने म्हटले होते. फराह खानने ती आठवण सांगताना म्हटले होते, “एक दिवस मला डॉक्टरांचा फोन आला आणि त्यांनी मला सांगितले की, तुम्ही गर्भवती नाहीये. आम्ही एक कॉमेडी सीन शूट करत होतो आणि शाहरुखला समजले की, काहीतरी चुकीचे घडले आहे. कारण- मी रडणार होते. त्यामुळे त्याने शूटिंगमध्ये ब्रेक घेतला आणि तो मला त्याच्या व्हॅनमध्ये घेऊन गेला. तिथे मी तासभर रडत होते.”

दरम्यान, शाहरुख खान लवकरच किंग या चित्रपटातून प्रेक्षकांच्या भेटीला येणार आहे. या चित्रपटात शाहरुखची मुलगी सुहाना खान व अभिनेता अभिषेक बच्चनही महत्त्वाच्या भूमिकांत दिसणार आहेत.