शाहरुखला शर्टलेस पाहताक्षणी फराह खानला व्हायची उलटी, नेमकं काय घडलं होतं?

शाहरुख खानच्या ‘ओम शांती ओम’ दिग्दर्शन फराह खानने केलं होतं. या चित्रपटातील ‘दर्द ए डिस्को’ हे गाणं त्यावेळी बरंच गाजलं होतं. संपूर्ण चित्रपटाचं शूटिंग झाल्यानंतर या गाण्याच्या शूटिंगला सुरुवात करण्यात आली होती. या गाण्यात शाहरुखाची सिक्स पॅक अॅब्सची बॉडी दाखवण्यात आली होती आणि यासाठी शाहरुखने फिटनेसवर बरीच मेहनत घेतली होती. संपूर्ण गाण्यात शाहरुख खान शर्टलेस दिसला होता. काही सीन्समध्ये तो शर्टमध्ये दिसला होता पण त्यातूनही त्याची टोन्ड बॉडी फ्लॉट होत असे. त्यावेळी त्याच्या बॉडी ट्रान्सफॉर्मेशनचं खूप कौतुक झालं होतं.

आणखी वाचा- “मी कोणत्याही अभिनेत्याचा चाहता नाही, कारण…” शाहरुख खानने केला होता खुलासा

गाण्याच्या शूटिंग वेळी जेव्हा जेव्हा शाहरुख खान शर्टलेट व्हायचा तेव्हा तेव्हा फराह खान उलटी करत असे. याचा किस्सा तिने एका मुलाखतीत सांगितला होता. जेव्हा गाण्याचं शूटिंग सुरू होतं त्यावेळी फराह गरोदर होती. ‘दर्द ए डिस्को’ गाण्याच्या शूटिंगच्या वेळी जेव्हा पण ती शाहरुखला पाहायची तेव्हा तिला उलटी व्हायची. ती म्हणाली, “या गाण्याच्या शूटिंग वेळी मी जेव्हा शाहरुखला शर्ट काढताना पाहायचे तेव्हा मला अचानक उलटी व्हायला सुरुवात व्हायची. मी माझ्या बाजूला ठेवलेल्या बादलीमध्ये उलटी करायचे.”

आणखी वाचा- “या व्यक्तीमुळे मी आज…” शाहरुखच्या वाढदिवशी फराह खानची खास पोस्ट

फराह पुढे म्हणाली, “मी सेटवर नेहमीच एका बादली स्वतःच्या बाजूला ठेवायचे. मला पाहून सर्वांनाच वाटायचं की मी शाहरुखला पाहिल्यांनतर मला उलटी होते. पण मी शाहरुखला पाहिल्यांदाच हे स्पष्ट केलं होतं की, हे त्याच्या बॉडीमुळे होत नाहीये. गाण्यात त्याची टोन्ड बॉडी जबरदस्त दिसत होती.” दरम्यान शाहरुख खान आणि फराह खान यांची मैत्री खूप घनिष्ठ आहे. दोघंही अनेकदा एकमेकांची खिल्ली उडवताना आणि मस्करी करताना दिसतात. फराह खानने शाहरुखला लग्झरी कारही भेट म्हणून दिली आहे.