बॉलीवूड कलाकारांची फौज, तब्बल ३५० कोटींचे बजेट; मात्र चित्रपट ठरला सुपरफ्लॉप, कमावले फक्त…

यंदा ‘जिगरा’, ‘सरफिरा’, ‘मैदान’, ‘खेल खेल में’ असे अनेक बिग बजेट तगडी स्टारकास्ट असलेले सिनेमे फ्लॉप झाले. याच सिनेमांच्या यादीत बॉलीवूड कलाकारांची फौज असलेला ‘बडे मियाँ छोटे मियाँ’चा समावेश आहे. ‘बडे मियाँ छोटे मियाँ’ हा २०२४ मधील सर्वात मोठा फ्लॉप चित्रपट आहे. हा चित्रपट ईदच्या दिवशी ११ एप्रिल रोजी प्रदर्शित झाला होता.

हेही वाचा – फक्त १५ कोटींचे बजेट, कमावलेले ९०५ कोटी; चीनमध्ये सर्वाधिक कलेक्शन करणारा बॉलीवूड चित्रपट तुम्ही पाहिलाय का?

‘बडे मियाँ छोटे मियाँ’तील कलाकार

अक्षय कुमार व टायगर श्रॉफ यांच्या मुख्य भूमिका असलेला अॅक्शन थ्रिलर चित्रपट ‘बडे मियाँ छोटे मियाँ’मध्ये बॉलीवूड कलाकारांची मांदियाळी होती. या चित्रपटात अक्षय व टायगरसह, पृथ्वीराज सुकुमारन, मानुषी छिल्लर, सोनाक्षी सिन्हा, अलाया एफ व रोनित रॉय बोस, जुगल हंसराज हे कलाकार होते.

हेही वाचा – ९ वर्षांचा संसार मोडला, प्रसिद्ध अभिनेत्यापासून घटस्फोट घेतल्यावर गायिकेने मुंबईत घेतलं घर, फोटो केले शेअर

‘बडे मियाँ छोटे मियाँ’चे बजेट

‘बडे मियाँ छोटे मियाँ’ या चित्रपटाच्या निर्मितीसाठी तब्बल ३५० कोटी रुपये खर्च करण्यात आले होते. अली अब्बास जफर दिग्दर्शित या चित्रपटाची निर्मिती पूजा एंटरटेनमेंटने केली होती. ही दिग्गज निर्माते वाशू भगनानी व जॅकी भगनानी यांची निर्मिती कंपनी आहे. हा चित्रपट फ्लॉप झाल्याने पूजा एंटरटेनमेंटचे खूप मोठे नुकसान झाले.

हेही वाचा – ५३व्या मजल्यावरील आलिशान घरात राहते माधुरी दीक्षित, पाहा तिच्या मुंबईतील घरातील Inside Photos

‘बडे मियाँ छोटे मियाँ’चे कलेक्शन

इंडस्ट्री ट्रॅकर सॅकनिल्कने दिलेल्या आकडेवारीनुसार, ‘बडे मियाँ छोटे मियाँ’ने भारतात फक्त ६५.९६ कोटी रुपये कमावले होते. जगभरात या सिनेमाने १११.४९ कोटी रुपयांची कमाई केली होती. हा चित्रपट नंतर ओटीटी प्लॅटफॉर्म नेटफ्लिक्सवर प्रदर्शित करण्यात आला होता.