‘गदर २’चे दिग्दर्शन यांच्या आगामी चित्रपटाची घोषणा; नाना पाटेकर दिसणार मुख्य भूमिकेत

२२ वर्षांनी अनिल शर्मा यांनी सनी देओल व अमीषा पटेलला घेऊन बॉक्स ऑफिसवर जबरदस्त हीट चित्रपट दिला अन् बॉक्स ऑफिसवर एक वेगळाच इतिहास रचला. प्रेक्षक आता अनिल शर्मा यांच्या आगामी चित्रपटाची आतुरतेने वाट बघत आहेत.

आणखी वाचा : ‘द लेडी किलर’ चित्रपट अर्धवटच, दिग्दर्शक अजय बेहल यांनी दिली कबुली; म्हणाले, “हा चित्रपट विस्कळीत…”

मंगळवारी आपल्या अधिकृत ट्विटर अकाऊंटच्या माध्यमातून त्यांच्या आगामी ‘जर्नी’ या चित्रपटाची घोषणा केली. अनिल शर्मा यांनी आपल्या ट्वीटमध्ये लिहिलं, “गदर २ च्या यशानंतर बाबा काशी विश्वनाथ यांच्या आशीर्वादाने आम्ही आमच्या पुढील ‘जर्नी’ची सुरुवात केली आहे.” हे ट्वीट करताना अनिल शर्मा यांनी काही फोटोज शेअर केले आहेत. या फोटोमध्ये अभिनेते नाना पाटेकर व उत्कर्ष शर्मा दिसत आहेत.

या चित्रपटात नाना पाटेकर हे प्रमुख भूमिकेत आहेत. इतर कलाकारांबद्दल अद्याप माहिती समोर आलेली नाही. २२ वर्षांनी अनिल शर्मा यांनी ‘गदर २’च्या माध्यमातून जबरदस्त हीट चित्रपट दिला. याआधी त्यांनी ‘गदर एक प्रेम कथा’, ‘जिनियस’, व सलमान खानच्या ‘वीर’चं दिग्दर्शन केलं आहे. आता त्यांच्या या आगामी ‘जर्नी’ची प्रेक्षक आतुरतेने वाट बघत आहेत.