११ ऑगस्ट रोजी थिएटरमध्ये दोन मोठे चित्रपट प्रदर्शित झाले. एकीकडे सनी देओल आणि अमीषा पटेल स्टारर ‘गदर २’ रिलीज झाला, तर दुसरीकडे अक्षय कुमार आणि पंकज त्रिपाठी यांचा ‘ओएमजी २’ चित्रपट प्रदर्शित झाला. दोन्ही चित्रपट त्यांच्या पूर्वीच्या चित्रपटांचे सिक्वेल आहेत. या दोन्ही सिक्वेलना इतक्या वर्षांनी रिलीज होऊनही प्रेक्षकांचा दमदार प्रतिसाद मिळाला.
‘ड्रीम गर्ल २’ च्या कमाईत सहाव्या दिवशी मोठी वाढ, बजेट अवघे ३५ कोटी पण आतापर्यंत कमावले तब्बल…
‘गदर २’ला पहिल्याच दिवशी बंपर ओपनिंग मिळाली, तर ‘OMG 2’ला देखील चांगला प्रतिसाद मिळाला होता. दोन्ही चित्रपट प्रदर्शित होऊन २० दिवस उलटले आहेत आणि दोन्ही चित्रपट अजूनही बॉक्स ऑफिसवर चांगली कमाई करत आहेत. रक्षाबंधनच्या सुट्टीचाही या चित्रपटांना फायदा झाला. या चित्रपटांनी २० व्या दिवशी किती कमाई केली ते जाणून घेऊयात.
‘गदर २’ ची कमाई किती?
‘सॅकनिल्क’च्या रिपोर्टनुसार, सनी देओलचा चित्रपट ‘गदर २’ रिलीजच्या तिसऱ्या आठवड्यातही चांगली कामगिरी करताना दिसत आहे. तिसऱ्या रविवारी १६.१० कोटी रुपयांच्या कमाईनंतर, सोमवार आणि मंगळवारी कलेक्शनमध्ये घट झाल्याचं पाहायला मिळालं. परंतु बुधवारी चित्रपटाच्या कमाईत वाढ दिसून आली.
४१ वर्षांच्या संसारानंतर आंतरधर्मीय लग्नाबाबत नसीरुद्दीन शाह म्हणाले, “मला हिंदू असलेल्या रत्नाशी…”
‘गदर २’ ने ३० ऑगस्टला ८.७५ कोटींची कमाई केली आहे. यासह २० दिवसांत चित्रपटाचे देशभरातील एकूण कलेक्शन ४७४.५ कोटी रुपये झाले आहे. चित्रपटाच्या जगभरातील कमाईबद्दल बोलायचं झाल्यास ६१० कोटींहून अधिकचा आकडा पार केला आहे. या चित्रपटाने ओपनिंग वीकेंडला १०० कोटी आणि पहिल्या आठवड्यात २०० कोटींच्या क्लबमध्ये प्रवेश केला होता.
ओएमजी २ ची एकूण कमाई किती?
रक्षाबंधनाच्या मुहूर्तावर अक्षय कुमारच्या OMG 2 च्या कलेक्शनमध्ये वाढ झाली आहे. ‘सॅकनिल्क’च्या रिपोर्टनुसार, चित्रपटाने २० व्या दिवशी १.७५ कोटींचे शानदार कलेक्शन केले आहे. यासह चित्रपटाची एकूण कमाई १४०.१७ कोटींच्या आसपास पोहोचली आहे.
