‘गदर: एक प्रेम कथा’ या सुपरहिट चित्रपटाची सध्या चांगलीच चर्चा आहे. सनी देओल आणि अमीषा पटेलच्या या चित्रपटाने बॉक्स ऑफिसवर धमाका उडवून दिला होता. ‘गदर’च्या यशानंतर काही दिवसांपूर्वी निर्मात्यांकडून ‘गदर २’चित्रपटाची घोषणा करण्यात आली होती. ‘गदर २’च्या निमित्ताने प्रेक्षकांना सनी देओल आणि अमीषा पटेलची जोडी पुन्हा एकदा मोठ्या पडद्यावर पाहायला मिळणार आहे, परंतु तत्पूर्वी‘गदर: एक प्रेम कथा’हा २००१ मध्ये रिलीज झालेला चित्रपट निर्मात्यांनी पुन्हा एकदा चित्रपटगृहात प्रदर्शित करण्याचा निर्णय घेतला आहे.
हेही वाचा : फोटोतील ‘या’ लहान मुलीला ओळखलंत का? आज आहे मराठी कलाविश्वातील लोकप्रिय अभिनेत्री
‘गदर: एक प्रेम कथा’हा चित्रपट ९ जून २०२३ रोजी चित्रपटगृहात प्रदर्शित होणार असून यानिमित्ताने निर्मात्यांनी एका खास ऑफरची घोषणा केली आहे. गदर चित्रपटाचे तिकीट दर फक्त १५० रुपये असतील आणि या सगळ्या तिकिटांवर तुम्हाला ‘बाय वन गेट वन फ्री’ची ऑफर मिळणार आहे. म्हणजेच एका तिकिटावर दोघांना चित्रपट पाहता येणार आहे. त्यामुळे प्रेक्षकांना फक्त ७५ रुपयांत हा सिनेमा पाहता येणार आहे.
‘गदर: एक प्रेम कथा’हा २००१ मध्ये रिलीज झालेला चित्रपट पुन्हा एकदा नव्या रुपात मुंबई, दिल्ली आणि जयपूरच्या चित्रपटगृहांमध्ये प्रदर्शित होणार आहे. दरम्यान, ऑगस्टमध्ये प्रदर्शित होणाऱ्या दुसऱ्या भागात अनेक अनेक व्यक्तिरेखा बदलण्यात आल्या आहेत. अमरिश पुरी, ओम पुरी, विवेक शौक, मिथलेश चतुर्वेदी, डॉली बिंद्रा, मुस्ताक खान, टोनी मिरचंदानी हे कलाकार दुसऱ्या भागात दिसणार नाहीत त्यामुळे चित्रपटात त्यांच्या जागा कोण घेणार याबाबत प्रेक्षकांच्या मनात उत्सुकता निर्माण झाली आहे.
