रितेश-जिनिलीयाने लातूरमध्ये बजावला मतदानाचा हक्क! देशमुखांची सून म्हणाली, “सर्वांनी पुढे येऊन…”

मनोरंजन विश्वातील लाडकी जोडी म्हणजेच रितेश-जिनिलीया यांनी देखील लातूर जाऊन मतदान केलं आहे. रितेश देशमुख हे मराठीसह बॉलीवूड कलाविश्वातील प्रसिद्ध नाव आहे. अभिनेत्याने कुटुंबीयांपेक्षा वेगळा मार्ग निवडत मनोरंजनसृष्टीत आपलं नशीब आजमावलं. मात्र, त्याचे दोन्ही भाऊ राजकारणात सक्रिय आहेत. लातूर येथील मतदान केंद्रावर जाऊन अभिनेत्याने कुटुंबीयांबरोबर मतदानाचा हक्क बजावला आहे.

हेही वाचा : “आम्ही आमचं कर्तव्य पार पाडलं, आता पुढील पाच वर्षे…”, मराठी कलाकारांनी बजावला मतदानाचा हक्क, पोस्ट करत म्हणाले…

रितेश देशमुख यावेळी माध्यमांशी संवाद साधताना म्हणाला, “नमस्कार आजचा दिवस अत्यंत महत्त्वाचा आहे. कारण, हा दिवस पाच वर्षांनी एकदा येतो. या दिवशी आपण ठरवतो की, आपण ज्या व्यक्तीला निवडून देणार आहोत ते सत्तेत जातील. पण, जे नवीन मतदार आहेत… जे पहिल्यांदा मतदान करतील त्यांना मी असं सांगू इच्छितो की, तुम्ही सर्वांनी पुढे येऊन भरभरून मतदान करा आणि योग्य उमेदवार निवडा.”

रितेशची पत्नी देखील यावेळी उपस्थित होती जिनिलीया म्हणाली, “मतदान करणं हा सर्वांचा अधिकार आहे. त्यामुळे सर्वांनी पुढे येऊन नक्की मतदान करा. तुमचं एक मत निर्णायक ठरू शकतं. त्यामुळे नक्की मतदान करा.”

हेही वाचा : घटस्फोटाच्या घोषणेनंतर ए आर रेहमान यांची पहिली पोस्ट; म्हणाले, “३० वर्षे पूर्ण करू अशी आशा होती, पण…”

हेही वाचा : २०२५ साठी शाहरुख खानची मोठी घोषणा! आर्यन करणार ‘या’ क्षेत्रात पदार्पण, तर पत्नी गौरी…; पोस्ट शेअर करत म्हणाला…

दरम्यान, रितेश-जिनिलीयाच्या ( Genelia And Riteish Deshmukh ) कामाबद्दल सांगायचं झालं, तर अभिनेता लवकरच ‘हाऊसफुल्ल ५’ चित्रपटात झळकणार आहे. तर, अभिनेत्री जिनिलीया देशमुख लवकरच आमिर खानच्या ‘सितारे जमीन पर’ चित्रपटात महत्त्वाची भूमिका साकारणार आहे. प्रेक्षक या दोन्ही चित्रपटांची आतुरतेने वाट पाहत आहेत.