Genelia and Riteish Deshmukh Funny Video : जिनिलीया व रितेश देशमुख हे दोघंही सोशल मीडियावर प्रचंड सक्रिय असतात. या जोडीचा चाहतावर्ग मोठ्या प्रमाणात आहे. मराठीसह बॉलीवूडमध्ये रितेश-जिनिलीयाकडे एक आदर्श जोडपं म्हणून पाहिलं जातं. एकमेकांना अनेक वर्षे डेट केल्यावर रितेश-जिनिलीयाने २०१२ मध्ये लग्नगाठ बांधली. तेव्हापासून या दोघांना महाराष्ट्राचे लाडके ‘दादा-वहिनी’ म्हणून ओळखलं जातं. यांनी इन्स्टाग्रामवर नुकताच शेअर केलेला एक मजेशीर व्हिडीओ सध्या चर्चेत आला आहे.
रितेश-जिनिलीया रोमँटिक व्हिडीओ, पोस्ट याचबरोबर अनेकदा मजेशीर व्हिडीओ शेअर करून आपल्या चाहत्यांना खळखळून हसवत असतात. लग्नानंतर नवरा-बायकोमध्ये छोट्या-छोट्या गोष्टींमुळे वाद होत असतात. पण, ‘घरोघरी मातीच्या चुली’ या म्हणीप्रमाणे नेहमीच नवऱ्याला बायकोचं ऐकावं लागतं. रितेशचं सुद्धा असंच काहीसं होतं. यावरूनच या दोघांनी ट्रेडिंग ऑडिओ वापरून एक व्हिडीओ शेअर केला आहे.
हेही वाचा : ठरलं तर मग : अखेर तो क्षण आलाच! प्रतिमा अन् रविराज किल्लेदार आले समोरासमोर पण…; पाहा मालिकेचा नवीन प्रोमो
जिनिलीया व रितेश यांचा व्हिडीओ चर्चेत ( Genelia and Riteish )
जिनिलीया या व्हिडीओमध्ये म्हणते, “नवरा- बायकोच्या जोड्या वरच जुळतात” यावर रितेश म्हणतो, “हो फक्त भांडणं करण्यासाठी या जोड्या खाली येतात” नवऱ्याचं हे उत्तर ऐकून अभिनेत्रीच्या चेहऱ्यावरचे हावभाव बदलतात अन् ती रितेशकडे रागाने पाहते. यानंतर आपण हे काय बोलून गेलो असा विचार करून रितेश डोक्यावर हात मारून घेतो असं या व्हिडीओमध्ये पाहायला मिळत आहे. हा मूळ ऑडिओ हिंदी भाषेत आहे.
जिनिलीया-रितेशच्या ( Genelia and Riteish ) या व्हिडीओवर नेटकऱ्यांनी कौतुकाचा वर्षाव केला आहे. नवऱ्याने शेअर केलेला हा व्हिडीओ पाहून जिनिलीया कमेंट्समध्ये लिहिते, “मला कळत नाहीये तू माझं कौतुक करतोय की, तक्रार करत आहेस” तर, इतर काही युजर्सनी या व्हिडीओवर भन्नाट प्रतिक्रिया दिल्या आहेत.
“वहिनी दादांचं म्हणणं खरं आहे”, “मुली नेहमीच भांडण करण्यात पुढे असतात”, “रितेश दादा एवढं खरं नव्हतं बोलायचं”, “दादासाहेब व वहिनीसाहेब”, “दोघंही कमाल आहेत” अशा कमेंट्स नेटकऱ्यांनी रितेश-जिनिलीयाच्या या मजेशीर व्हिडीओवर केल्या आहेत.
