Genelia and Riteish Deshmukh Funny Video : जिनिलीया व रितेश देशमुख यांची जोडी मराठीसह बॉलीवूडमध्ये प्रचंड लोकप्रिय आहे. त्यांचा चाहतावर्ग मोठ्या प्रमाणात आहे. 'तुझे मेरी कसम' या चित्रपटाच्या सेटवर रितेश-जिनिलीयाच्या पहिली भेट झाली होती. यानंतर दोघांमध्ये चांगली मैत्री होऊन पुढे या मैत्रीचं रुपांतर प्रेमात झालं. जवळपास १० वर्षे एकमेकांना डेट केल्यावर रितेश-जिनिलीयाने २०१२ मध्ये लग्नगाठ बांधली. चित्रपटांव्यतिरिक्त दोघंही इन्स्टाग्राम रील्सच्या माध्यमातून चाहत्यांचं मनोरंजन करत असतात. सध्या या जोडप्याने शेअर केलेला असाच एक व्हिडीओ चर्चेत आला आहे. जिनिलीया व रितेश देशमुख यांनी नुकताच इन्स्टाग्रामवर एक मजेशीर व्हिडीओ शेअर केला आहे. हा मूळ ऑडिओ हिंदीमध्ये आहे. यामध्ये जिनिलीया रितेशला म्हणते, "ऐका आता गाण्याची एक ओळ मी गाते आणि एक ओळ तुम्ही गा" अभिनेता बायकोच्या सांगण्याला अनुमोदन देत मान डोलावतो. यानंतर जिनिलीया शाहरुख-काजोलचं लोकप्रिय "जाती हूँ मैं…" हे गाणं गाते. जिनिलीयाने "जाती हूँ मैं" गायल्यावर पुढे रितेशने "जल्दी है क्या" ही ओळ म्हणणं अपेक्षित असतं. पण, एवढ्यात अभिनेता गाण्याची ओळ ट्विस्ट करत "जल्दी तू जा" असं म्हणतो. यानंतर ऑडिओच्या बॅकग्राऊंडला एकच हशा पिकतो. हेही वाचा : “फिल्मी क्षेत्रातल्या महिला मैत्रिणी होऊ शकत नाहीत, एकमेकींवर जळतात”, आशा भोसलेंचं स्पष्ट मत; म्हणाल्या… व्हिडीओवर नेटकऱ्यांकडून कमेंट्सचा पाऊस ( Genelia and Riteish Deshmukh ) रितेशने "जल्दी तू जा" गायल्यावर जिनिलीया त्याच्याकडे रागाने बघते. यावर लगेच अभिनेता "जल्दी है क्या" ही मूळ ओळ म्हणतो. यानंतर रितेश गमतीत डोक्यावर हात मारून घेत असल्याचं पाहायला मिळत आहे. या मराठमोळ्या जोडप्याच्या या मजेशीर व्हिडीओवर नेटकऱ्यांनी लाइक्स व कमेंट्सचा वर्षाव केला आहे. प्रिया बापटने या व्हिडीओवर हसायचे इमोजी कमेंटमध्ये दिले आहेत. याशिवाय अन्य काही नेटकऱ्यांनी "तुम्ही दोघं बेस्ट आहात", "अब होगा महाभारत", "एकदम परफेक्ट कपल", "जगातील सुंदर जोडी", "फेव्हरेट कपल" अशा कमेंट्स या व्हिडीओवर केल्या आहेत. हेही वाचा : “मी दर महिन्याला त्याच्याबरोबर ब्रेकअप करायचे आणि…”, जान्हवी कपूरचा शिखर पहारियाबरोबरच्या नात्यावर खुलासा जिनिलीया व रितेश देशमुख यांच्या व्हिडीओवर नेटकऱ्यांकडून कमेंट्सचा पाऊस ( Genelia and Riteish Deshmukh ) दरम्यान, रितेश - जिनिलीच्या ( Genelia and Riteish Deshmukh ) या मजेशीर व्हिडीओवर अवघ्या दोन दिवसांतच तब्बल ५८ मिलियनहून अधिक व्ह्यूज आले आहेत. दोघांच्या वैयक्तिक आयुष्याबद्दल सांगायचं झालं, तर या जोडप्याला रियान व राहील अशी दोन मुलं आहेत.