“प्रिय पप्पा…”, सासरे विलासराव देशमुख यांच्या आठवणीत जिनिलीयाने शेअर केली भावुक पोस्ट

हेही वाचा : “दुबईहून येताना मला समीर वानखेडेंनी विमानतळावर अडवलं अन्…”, क्रांती रेडकरने सांगितला २०१० मध्ये घडलेला किस्सा

महाराष्ट्राचे दिवंगत माजी मुख्यमंत्री विलासराव देशमुख यांच्या आठवणीत अभिनेत्री जिनिलीया देशमुखने भावुक पोस्ट लिहित सासऱ्यांसह जुना फोटो शेअर केला आहे. हा फोटो रितेश आणि जिनिलीयाच्या लग्नातील आहे. या फोटोवर अभिनेत्रीने “मिस यू पप्पा…”असे लिहिले आहे.

हेही वाचा : “नितीन देसाईंची घटना, राजकारण्यानी बुडवलेले पैसे अन्…”, प्रसिद्ध मराठी सेलिब्रेटी फोटोग्राफरच्या जिवाला धोका, म्हणाला “त्याच्याबद्दल काही पुरावे…”

“प्रिय पप्पा…मला तुम्हाला एकच गोष्ट सांगायची आहे ती म्हणजे, तुमचे विचार फार प्रभावी आहेत त्यामुळे आज तुमच्याशिवाय जगणे आम्हाला कठीण जात आहे. मला खात्री आहे तुम्ही जिथे कुठे असाल ती जागा खूपच खास असेल कारण, प्रत्येकजण कायम हसत राहील याची तुम्ही फार काळजी घेता. पप्पा, तुमची खूप आठवण येते…” असे जिनिलीयाने तिच्या पोस्टमध्ये म्हटले आहे. अभिनेत्रीच्या पोस्टवर चाहत्यांनी अनेक कमेंट करून माजी मुख्यमंत्री विलासराव देशमुख यांना अभिवादन केले आहे.

हेही वाचा : Video: ऐतिहासिक चित्रपटात काम करण्याचा अनुभव, पडद्यामागचे किस्से अन् बरंच काही…; ‘सुभेदार’च्या टीमशी दिलखुलास गप्पा

दरम्यान, जिनिलीया आणि रितेश नेहमीच सोशल मीडियावर सक्रिय असतात. विविध फोटो आणि व्हिडीओ शेअर करून ते चाहत्यांच्या संपर्कात राहतात. जिनिलीयाप्रमाणे अभिनेता रितेश देशमुखनेही वडिलांच्या आठवणीत एक खास व्हिडीओ त्याच्या इन्स्टाग्राम स्टोरीवर शेअर केला आहे.