बॉलिवूड अभिनेता हृतिक रोशन त्याच्या चाहत्यांमध्ये खूप लोकप्रिय आहे. सुपरस्टार हृतिक त्याच्या चित्रपटांबरोबरच त्याच्या वैयक्तिक आयुष्यामुळेही खूप चर्चेत असतो. नुकतास हृतिक रोशनचा एक व्हिडिओ सोशल मीडियावर चांगलाच व्हायरल होत आहे. हा व्हि़डिओमध्ये त्याच्या बॉडिगार्डने एका चाहत्याला दिलेली वागणूक पाहून नेटकरी अभिनेत्यावर संतापले आहेत.
काल संध्याकाळी हृतिक रोशन त्याची माजी पत्नी सुजैन खान आणि तिचा प्रियकर अर्सलान गोनीसोबत डिनरसाठी आला होता. यादरम्यान हृतिक हॉटेलमधून बाहेर पडताच एक डिलिव्हरी बॉय त्याच्यासोबत सेल्फी घेण्यासाठी पुढे आला होता. हृतिकही त्याच्याबरोबर फोटो घेत होता. मात्र, तेवढ्यात हृतिकचा बॉडिगार्ड आला आणि त्याने त्या डिलिव्हरी बॉयला धक्का देत मागे ढकलले. बॉडिगार्डच्या त्या वागणूकीनंतही हृतिक रोशन तिथे शांतपणे उभा राहिल्यावरुन नेटकरी संतापले आहेत.
