अभिनेता हृतिक रोशन बॉलिवूडमधील हॅण्डसम हंक म्हणून ओळखला जातो. ९०च्या दशकात सिक्स पॅक्सने त्याने तरुणाईला वेड लावलं होतं. पन्नाशीच्या उंबरठ्यावरही हृतिकचा फिटनेस कायम आहे. नुकतंच हृतिकने एका फिल्म फेस्टिवलला हजेरी लावली. यावेळी त्याने ‘करण अर्जुन’ चित्रपटाच्या शूटिंगदरम्यानचा एक किस्सा शेअर केला.
‘करण अर्जुन’ या चित्रपटाचे दिग्दर्शन हृतिक रोशनचे वडील व बॉलिवूडमधील सुप्रसिद्ध दिग्दर्शक राकेश रोशन यांनी केलं होतं. या चित्रपटाच्या शूटिंगदरम्यानची आठवण शेअर करत हृतिक म्हणाला “करण अर्जुन चित्रपटाच्या चित्रीकरणादरम्यान माझे वडील रोज सगळ्यांना सकाळी लवकर उठवायचे. ते सकाळी ५ वाजता उठायचे आणि सगळ्यांच्या रुमचे दरवाजे ठोठवायचे. मग तो शाहरुख खान असो अथवा सलमान खान”.
हेही वाचा>>“मला गरोदरपणाची…” राम चरणच्या पत्नीने आई होण्याबाबत केलेलं वक्तव्य होतं चर्चेत
“माझे वडील सगळ्यांना उठवून ही कामाची वेळ आहे, असं म्हणायचे. ते वेळेचे फार पक्के आहेत. उशीर करणारे लोक त्यांना आवडत नाहीत. ते स्वत: कधीच कोणत्याही ठिकाणी उशीरा पोहोचत नाहीत. त्यांच्यातील हा वक्तशीरपणा माझ्यातही आहे. त्यामुळे सगळ्या ठिकाणी, कार्यक्रमांना मी वेळेतच पोहोचतो”, असंही पुढे हृतिकने सांगितलं.
हेही वाचा>> “…अन् १५ सेकंदात सर्रकन भूतकाळ माझ्या डोळ्यासमोरून गेला” प्रसाद खांडेकरची पोस्ट चर्चेत
२००० साली हृतिकने ‘कहो ना प्यार है’ चित्रपटातून बॉलिवूडमध्ये पदार्पण केलं. त्यानंतर त्याने एक सो एक हिट सिनेमे बॉलिवूडला दिले. तो सध्या सबा आझादसह रिलेशनशिपमध्ये आहे.
