बॉलिवूडचा किंग खान शाहरुख खानचा ‘पठाण’ बॉक्स ऑफिसवर सुपरहिट ठरला होता. चित्रपटाने दमदार कमाई केली होती. २००६ साली प्रदर्शित झालेला शाहरुखचा ‘डॉन’ चित्रपटही चांगलाच गाजला होता. आत्तापर्यंत डॉनचे दोन भाग आले आहेत. प्रेक्षक या चित्रपटाच्या पुढच्या भागाची आतुरतेने वाट बघत आहेत. दरम्यान, ‘डॉन-३’ चित्रपटाबाबत मोठी नुकतीच समोर आली. चित्रपटाचे निर्माते रितेश सिधवानी यांनी याबाबतची माहिती दिली.
रितेश यांनी नुकतंच फरहान अख्तर ‘डॉन ३’ची स्क्रिप्ट पूर्ण करण्यात व्यस्त असल्याचं स्पष्ट केलं. यानंतर सगळेच या चित्रपटाच्या पुढील अपडेटसाठी उत्सुक झाले, आता मात्र शाहरुख खानने या चित्रपटातून काढता पाय घेतल्याचं वृत्त समोर आलं आहे. शाहरुख सध्या कमर्शियल चित्रपट करण्यास जास्त उत्सुक आहे जो जगभरातील प्रेक्षक बघणं पसंत करतील आणि ‘डॉन ३’ या साच्यात न बसणारा चित्रपट असल्याने त्याने हा चित्रपट करण्यास साफ नकार दिला आहे.
आणखी वाचा : “तो चित्रपट केवळ हृतिकसाठी…” करीना कपूरने सांगितलेलं ‘कहो ना प्यार है’मध्ये काम न करण्यामागील कारण
अशातच आता या ‘डॉन ३’मध्ये नवीन कलाकार दिसणार असल्याने वेगवेगळ्या चर्चा आपल्या कानावर पडत आहेत. शाहरुख ऐवजी आता ‘डॉन’ म्हणून कोण दिसणार याबद्दल चर्चा व्हायला सुरुवात झाली आहे. अशातच अभिनेता रणवीर सिंग हा ‘डॉन ३’मध्ये मुख्य भूमिकेत दिसू शकतो अशी शक्यता वर्तवली जात आहे. समीक्षक आणि सिनेतज्ञ सुमित कडेल यांनी याबद्दल नुकतीच माहिती दिली आहे.
रणवीर सिंगचा फोटो शेअर कर एक्सेल एंटरटेनमेंट रणवीर सिंगसह काम करण्यास उत्सुक असल्याचं त्यांनी या पोस्टमध्ये म्हंटलं आहे. अद्याप याबद्दल कोणतीही अधिकृत माहिती हातात आलेली नाही. शाहरुखने या प्रोजेक्टपासून स्वतःला वेगळं केल्याने सध्या फरहान अख्तर या चित्रपटाच्या कथेवर पुन्हा काम करत आहे. रणवीर सिंगही त्याच्या आगामी ‘रॉकी और रानी की प्रेम कहानी’ या चित्रपटाच्या तयारीत व्यस्त आहे, पण ‘डॉन ३’मध्ये नेमकं कोण मुख्य भूमिका करणार हे जाणून घेण्यासाठी सगळेच उत्सुक आहेत.
