आमिर खानची मुलगी आयरा खान हिचे दोन दिवसांपूर्वी (३ जानेवारी २०२४ रोजी) लग्न झाले. आयराने बॉयफ्रेंड नुपूर शिखरेशी मुंबईत ताज लँड्स एंड याठिकाणी नोंदणी पद्धतीने लग्न केलं. आता ते राजस्थानमधील उदयपूरमध्ये पारंपरिक पद्धतीने लग्न करणार आहेत. यासाठी ते उदयपूरला पोहोचले आहेत.
आयरा खान पती नुपूर शिखरे व आई रीना दत्ता यांच्याबरोबर उदयपूरला पोहोचली. या नवविवाहीत जोडप्याने माध्यमांना पोज दिल्या. यावेळी रीना दत्ताही सोबत होत्या. आयरा व नुपूर या दोघांचे ८ जानेवारी रोजी उदयपूरमध्ये पारंपरिक पद्धतीने लग्न होणार असल्याची माहिती समोर आली आहे. त्यासाठी हे सर्वजण उदयपूरला पोहोचले आहेत. ‘वूम्प्ला’ने खान कुटुबाचे व्हिडीओ पोस्ट केले आहेत.
आमिर खानदेखील मुलीच्या लग्नासाठी उदयपूरला पोहोचला आहे. तो मुलगा आझाद रावबरोबर उदयपूरमध्ये दाखल झाला.
दरम्यान, आयरा व नुपूरच्या शाही लग्नसोहळ्यात जवळपास २५० पाहुणे सहभागी होणार असल्याचं कळतंय. तसेच लग्नसोहळ्यासाठी ताज आरवली हॉटेलच्या १७६ खोल्या बुक करण्यात आल्या आहेत.
