लग्नात रडला आमिर खानचा जावई, सासूबाईंसह नुपूरचा डान्स, तर विहीणबाईंनी एकमेकींना…; आयरा खानने शेअर केला Unseen व्हिडीओ

आयराने उदयपूरमध्ये सोहळ्याचा हा व्हिडीओ शेअर केला आहेत. ज्यामध्ये त्यांच्या लग्नाची झलक पाहायला मिळते. नुपूर व आयरा लग्नात भावुक होतात. नुपूरला लग्नाचे वचन देताना भरून येतं आणि हे सगळं पाहून आमिरलाही अश्रू अनावर होतात. इतकंच नाही तर लग्नात सर्वजण मनसोक्त डान्स करतात, हेही व्हिडीओत दिसतंय. आमिर खान आयरा, पहिली पत्नी रीना व विहीणबाई प्रितम शिखरे यांच्याबरोबर डान्स करताना दिसतो.

पती नुपूर शिखरेपेक्षा तब्बल ‘इतक्या’ वर्षांनी लहान आहे आयरा खान; आमिर खानची लेक २६ वर्षांची, तर जावई…

डोंगराच्या पायथ्याशी असलेल्या एका सुंदर हॉटेलमध्ये आयरा व नुपरचा हा स्वप्नवत विवाहसोहळा पार पडला. आमिर विहीणबाईंबरोबर डान्स करतो, तर नुपूर सासूबाई रीना दत्ताबरोबर डान्स करताना दिसतो. रीना दत्ता व प्रितम शिखरे एकमेकांना मिठी मारताना दिसतात. त्यानंतर आमिर, रीना, प्रितम, जुनैद, नुपूर व आयरा हे सर्व जण एकत्र येतात. लग्नातील हे खास क्षण पाहून अनेक पाहुणे भावुक झाल्याचं पाहायला मिळतं.

२१.२ मिलियन प्रेक्षकांनी २०२३ मध्ये ओटीटीवर सर्वाधिक पाहिला ‘हा’ वादग्रस्त बॉलीवूड चित्रपट; तुम्ही बघितलाय का?

आयरा व नुपूरच्या लग्नातील या टीझर व्हिडीओवर चाहत्यांनी लाइक्स व कमेंट्सचा वर्षाव केला आहे. तर लग्नात उपस्थित राहिलेल्या अनेक मित्र-मैत्रिणींनी कमेंट्स करत या दोघांना सहजीवनासाठी शुभेच्छा दिल्या आहेत.