Anant Ambani Radhika Merchant Pre-Wedding: सध्या सर्वत्र अनंत अंबानी व राधिका मर्चंट यांच्या प्री-वेडिंग कार्यक्रमाची चर्चा सुरू आहे. १ मार्चपासून सुरू झालेला हा कार्यक्रम ३ मार्चपर्यंत असणार आहे. तीन दिवसांच्या या कार्यक्रमासाठी हॉलीवूडपासून ते बॉलीवूडपर्यंत सेलिब्रिटी उपस्थित राहिले आहेत. याशिवाय उद्योग क्षेत्रातील दिग्गज मंडळींनी देखील हजेरी लावली आहे. याचे फोटो व व्हिडीओ सोशल मीडियावर तुफान व्हायरल झाले आहेत. अशातच अभिनेत्री जान्हवी कपूरने एक व्हिडीओ शेअर केला आहे; ज्याने सगळ्यांचं लक्ष वेधून घेतलं आहे. अनंत व राधिकाच्या प्री-वेडिंग कार्यक्रमाला जगप्रसिद्ध पॉप स्टार रिहानाने हजेरी लावली होती. या कार्यक्रमात जबरदस्त परफॉर्मन्स रिहानाने केला. याचे व्हिडीओ सध्या सोशल मीडियावर चर्चेत आले आहेत. अशात जान्हवी कपूरने रिहानासह 'झिंगाट' गाण्यावरील डान्स व्हिडीओ शेअर केला आहे. हेही वाचा - महेश मांजरेकरांना वाटतं ‘हे’ असावं स्वतःच्या जीवनपटाचं नाव, म्हणाले… या व्हिडीओत, 'झिंगाट' गाण्यावर जान्हवी रिहाना जबरदस्त डान्स करताना पाहायला मिळत आहेत. या दोघींच्या मागे अंबानींची होणारी सून राधिका मर्चंट देखील 'झिंगाट'वर थिरकताना दिसत आहे. हा व्हिडीओ शेअर करत अभिनेत्री म्हणाली, "This woman is a goddess. stop it goodbye." हा व्हिडीओ काही तासांत तुफान व्हायरल झाला आहे. हेही वाचा - ‘आई कुठे काय करते’ फेम मिलिंद गवळी आईच्या आठवणीत झाले भावुक, म्हणाले, “पंधरा वर्षे झाली…” दरम्यान, गेल्या वर्षी १९ जानेवारीला अनंत अंबानी व राधिका मर्चेंट यांचा मोठ्या धुमधडाक्यात साखरपुडा झाला होता. माहितीनुसार, १२ जुलैला अनंत व राधिका यांचा मुंबईत शाही लग्नसोहळा होणार आहे.
