प्रसिद्ध कवी, लेखक जावेद अख्तर त्यांच्या परखड मतांमुळे नेहमी चर्चेत असतात. आजूबाजूला घडणाऱ्या घडामोडींविषयी ते सतत भाष्य करतात. यावेळी अनेकदा ते ट्रोलही होतात. पण ट्रोलर्सना देखील जावेद अख्तर सडेतोड उत्तर देताना पाहायला मिळतात. अलीकडेच त्यांनी अमेरिकेच्या राष्ट्राध्यक्षाच्या निवडणुकीबद्दल एक्सवर पोस्ट केली होती. ज्यानंतर त्यांना काही युजर्सनी ट्रोल केलं. यातील एका युजरने त्यांना थेट ‘गद्दाराचे पुत्र’ म्हटलं. यामुळे जावेद अख्तर भडकले आणि त्यांनी त्या युजरला चांगलंच उत्तर दिलं.
जावेद अख्तर यांनी ६ जूनला ‘एक्स’वर एक पोस्ट लिहिली होती. त्यांनी त्यात लिहिलं होतं की, “मी भारतीय नागरिक असल्याचा मला अभिमान आहे आणि मी शेवटच्या श्वासापर्यंत असाच राहीन. पण माझ्यात आणि जो बायडेन यांच्यात सारखी गोष्ट आहे. आम्हा दोघांना अमेरिकेचे पुढचे राष्ट्राध्यक्ष बनण्याची सारखीच संधी आहे.”
हेही वाचा – सलील कुलकर्णींनी हॉटेल व्यवसायात ठेवलं पाऊल, आईच्या हस्ते केलं उद्घाटन, पाहा फोटो
I am a proud Indian citizen and till my last breath I will remain so but I have one common fact with Joe Biden . Both of us have exactly equal chance of becoming the next president of USA .
— Javed Akhtar (@Javedakhtarjadu) July 6, 2024
जावेद अख्तर यांच्या या पोस्टवर एका युजरने प्रतिक्रिया देत लिहिलं, “फक्त मुस्लिमांसाठी पाकिस्तान राष्ट्र बनवण्यात तुमच्या वडिलांची महत्त्वाची भूमिका होती. त्यानंतर त्यांनी एका पुरागामी लेखकाच्या वेषात भारतात राहणे पसंत केलं. तुम्ही एका गद्दाराचे पुत्र आहात, ज्यांनी धर्माच्या आधारावर आपल्या देशाची विभागणी केली. आता तुम्ही काहीही सांगा, पण हे सत्य आहे.”
या युजरच्या प्रतिक्रियेवर जावेद अख्तर यांनी सडेतोड उत्तर दिलं. त्यांनी लिहिलं की, “तुम्ही पूर्ण अज्ञानी आहात की पूर्ण मूर्ख आहात हे ठरवणं कठीण आहे. १९८७ पासून माझं कुटुंब स्वातंत्र्य चळवळीच्या लढ्यात सामील असून त्यांना तुरुंगवास, काळ्या पाण्याची शिक्षा भोगावी लागली आहे. तेव्हा कदाचित तुमचे पूर्वज ब्रिटीश सरकारचे जोडे चाटत होते.”
It is difficult to decide whether you are totally ignorant or a complete idiot . From 1857 my family has been involved with freedom movement n has gone to jails and Kala paani when most probably your baap dadas were licking the boots of Angrez sarkar
— Javed Akhtar (@Javedakhtarjadu) July 6, 2024
जावेद अख्तर यांच्या उत्तरानंतरही तो युजर शांत बसला नाही. त्याने पोस्ट करत लिहिलं, “मी जे काही बोललो ते पुराव्यांसह नाकारून फेक बातम्यांवर एफआयआर दाखल करा. मला तुरुंगात जाऊन आनंदच होईल मिस्टर जावेद अख्तर.”
What ever I have said deny with proof and file an FIR on fake news. I would be happy to go to jail Mr Javed jadu ji.
— VIVEK SHARMA (@vivek2223) July 6, 2024
हेही वाचा – “आई काळजी करू नको…”, लग्नाच्या १३ दिवसांनंतर सोनाक्षी सिन्हाला आली आईची आठवण, भावुक पोस्ट लिहित म्हणाली…
‘एक्स’वर जावेद अख्तर आणि युजरमधील झालेला हा वाद सध्या खूप चर्चेत आला आहे. दोघांच्याही या पोस्ट सोशल मीडियावर व्हायरल झाल्या आहेत.
