बॉलीवूडची ‘कॉन्ट्रोव्हर्सी क्वीन’ म्हणून ओळखल्या जाणाऱ्या कंगना रणौत आज ‘चंद्रमुखी २’ चित्रपट प्रदर्शित झाला आहे. जवळपास दीड वर्षांनंतर कंगना ‘चंद्रमुखी २’ या चित्रपटाच्या माध्यमातून मोठ्या पडद्यावर परतली आहे. आज ‘चंद्रमुखी २’ बरोबर ‘फुकरे ३’ आणि ‘द व्हॅक्सिन वॉर’ चित्रपट प्रदर्शित झाला आहे. त्यामुळे बॉक्स ऑफिसवर कंगनाचा चित्रपट बाजी मारणार का? हे येत्या काळातच समजेल. पण त्यापूर्वी कंगनाचा ‘चंद्रमुखी २’ चित्रपट एचडीमध्ये लीक झाल्याचं समोर आलं आहे.
हेही वाचा – “आयुष्याची काही वर्ष…” लतादीदींसाठी अभिजीत केळकरनं शेअर केलेल्या पोस्टनं वेधलं लक्ष; म्हणाला…
२००५ साली प्रदर्शित झालेल्या रजनीकांत यांच्या ‘चंद्रमुखी २’चा सीक्वल कंगनाचा ‘चंद्रमुखी २’ चित्रपट आहे. पी वासू यांनी या चित्रपटाचे दिग्दर्शन केलं आहे. कंगना व्यतिरिक्त या चित्रपटात राघव लॉरेंस, राधिका सरथकुमार, वादिवेलू, लक्ष्मी मेनन, महिमा नांबियार, सृष्टी डांगे, रवी मारिया आणि सुरेश मेनन यांच्याही महत्त्वाच्या भूमिका आहेत. आज हा चित्रपट प्रेक्षकांच्या भेटीस आला आहे. पण प्रदर्शित होऊन एक दिवस पूर्ण न होताच चित्रपट लीक झाला आहे.
हेही वाचा –“तुम्ही आहातच इथे…” लतादीदींसाठी सलील कुलकर्णी यांची खास पोस्ट; जुना फोटो शेअर करत म्हणाले…
एका पायरेटेड वेबसाइटनं ‘चंद्रमुखी २’ चित्रपट लीक केला आहे. एचडीमध्ये चित्रपट असल्याचं समोर आलं आहे. त्यामुळे याचा कंगनाच्या चित्रपटाच्या कमाईवर परिणाम होण्याची अधिक शक्यता आहे. ‘चंद्रमुखी २’ चित्रपट लीक होण्याची पहिलीच घटना नसून यापूर्वीच बरेच चित्रपट अशाप्रकारे लीक करण्यात आले आहेत.
कंगनाच्या कामाबद्दल बोलायचं झालं तर, २०२२मध्ये तिचा ‘धाकड’ हा चित्रपट प्रदर्शित झाला होता. बॉक्स ऑफिसवर हा चित्रपट पूर्णपणे फ्लॉप झाला होता. त्यानंतर दीड वर्षांनी कंगना ‘चंद्रमुखी २’ प्रदर्शित झाला आहे. यानंतर ती ‘तेजस’ आणि ‘इमरजेंसी’ या चित्रपटात झळकणार आहे.
