सलग चित्रपट फ्लॉप ठरल्यानंतर करण जोहरच्या कुटुंबावर आलेली बेघर होण्याची वेळ; म्हणाला, “माझ्या वडिलांना खूप वाईट…”

आमच्या कंपनीचे एकापाठोपाठ एक असे…

करण जोहरने कोमल नहाटा यांच्याबरोबर संवाद साधला. १९९० साली प्रदर्शित झालेला ‘अग्निपथ’ बॉक्स ऑफिसवर अपयशी ठरल्यानंतर त्याचा खूप खोलवर परिणाम यश जोहर यांच्यावर झाला होता, अशी आठवण सांगत करण जोहरने म्हटले, “एक वेळी अशी होती आम्हाला बेघर व्हायला लागले असते. कारण- आमच्या कंपनीचे एकापाठोपाठ एक असे अनेक चित्रपट फ्लॉप ठरले. १९८४ साली प्रदर्शित झालेला रमेश तलवार यांचा ‘दुनिया’, १९८७ साली प्रदर्शित झालेला प्रकाश मेहरा यांचा ‘मुक्कदर का फैसला’ आणि मुकुल एस. आनंद यांचा १९९० साली प्रदर्शित झालेला ‘अग्निपथ’ हे चित्रपट अपयशी ठरले. हे चित्रपट मोठे होते. कारण- या चित्रपटात काम करणारे कलाकार व दिग्दर्शक हे लोकप्रिय होते. पण जेव्हा ‘अग्निपथ’ फ्लॉप ठरला, त्यावेळी माझ्या वडिलांना खूप वाईट वाटले. कारण- त्यांना वाटले होते की, हा चित्रपट चालणार आहे. त्यानंतर १९९३ ला प्रदर्शित झालेला ‘गुमराह’ व १९९८ ला प्रदर्शित झालेला ‘ड्युप्लिकेट हा चित्रपटसुद्धा फ्लॉप ठरला. मात्र, १९९८ साली प्रदर्शित झालेल्या ‘कुछ कुछ होता है’ या चित्रपटाला मोठे यश मिळाले.

कुछ कुछ होता है हा सिनेमा चांगलाच गाजल्याचे पाहायला मिळाले. बॉक्स ऑफिसवर या सिनेमाने कमाईचे उच्चांक गाठले होते. शाहरुख खान, अमिताभ बच्चन, राणी मुखर्जी, काजोल, जया बच्चन, सना सईद यांची प्रमुख भूमिका असलेल्या चित्रपटाला प्रेक्षकांचे मोठे प्रेम मिळाले.

दरम्यान, १९९० साली प्रदर्शित झालेल्या अग्निपथ या चित्रपटात अमिताभ बच्चन, मिथुन चक्रवर्ती हे प्रसिद्ध कलाकार होते. २०१२ मध्ये पुन्हा एकदा नव्याने अग्निपथ हा चित्रपट बनवला गेला. त्यामध्ये हृतिक रोशनची प्रमुख भूमिका होती. या चित्रपटाला मात्र बॉक्स ऑफिसवर मोठे यश मिळाल्याचे पाहायला मिळाले.