“तुझी बदनामी करण्यात आली पण…” करण जोहरने ‘पठाण’साठी केलेली पोस्ट चर्चेत

करण जोहर सोशल मीडियावर नेहमीच सक्रिय असलेला पाहायला मिळतो. त्याच्या आयुष्यात घडणाऱ्या महत्त्वाच्या घडामोडी तो त्याच्या चाहत्यांची शेअर करत असतो. त्याचप्रमाणे मनोरंजन सृष्टीतील त्याच्या मित्र-मैत्रिणींचे भरभरून कौतुकही तो करतो. आता ‘पठाण’ या चित्रपटाला मिळणारा प्रतिसाद पाहून तो भारावून गेला आहे आणि त्यानिमित्त करणने या चित्रपटासाठी एक खास पोस्ट लिहिली.

आणखी वाचा

“आई आणि बायकोवरून…”, आक्षेपार्ह कमेंट करणाऱ्याला ऐश्वर्या नारकरांनी सुनावलं; म्हणाल्या, “महिलांचा…”

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

“अंकिता आणि आमचे दाजी…”, वैभव चव्हाणने ‘कोकण हार्टेड गर्ल’बरोबरचे शेअर केले फोटो; नेटकरी म्हणाले, “विश्वास बसत नाही…”

भुवनेश्वरी आणि चारुलताच्या गोंधळात अक्षराच वेडी ठरणार; नेटकरी म्हणाले, “शिक्षिका असून सुद्धा…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

“..तेव्हाच मंदिरातील माऊली प्रसन्न होईल” तरुणाची पाटी चर्चेत, VIDEO एकदा पाहाच

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

नवरा माझा नवसाचा २’ने थिएटरमध्ये ५० दिवस पूर्ण केल्यानंतर श्रियाची सचिन पिळगांवकरांसाठी खास पोस्ट; म्हणाली, “रॉकस्टार मला…”

आणखी वाचा : चित्रपट वादाच्या भोवऱ्यात अडकूनसुद्धा किंग खान म्हणतो, “तुम्ही ‘पठाण’ पाहायला हवा, कारण…”

त्याने लिहिलं, “मी चित्रपट पाहताना याआधी इतकं कधी एन्जॉय केलेलं मला आठवत नाही. हा सगळ्यात मोठा ब्लॉकबस्टर चित्रपट आहे. चार्म, करिष्मा, शाहरुखचं स्टारडम, सर्वात सुंदर व सर्वांचं लक्ष वेधून घेणारी एजंट दीपिका पदुकोण आणि सगळ्यात उत्कृष्ट व्हिलन जॉन अब्राहम. चित्रपटात सिद्धार्थ आनंदच उत्कृष्ट दिग्दर्शन कौशल्य दिसत आहे. मला माझा मित्र आदित्य चोप्राचा अभिमान वाटतो. तुम्ही आदित्य चोप्राला पाहिलं नसेल पण त्याची दृष्टी कमाल आहे आणि राजा कुठेही गेला नव्हता. तो फक्त राज्य करण्यासाठी योग्य वेळेची वाट पाहत होता. लव्ह यू शाहरुख भाई, लव्ह यू आदी, लव्ह यू बॉलिवूड.”

पुढे तो म्हणाला, “तुझी बदनामी करण्यात आली, तुझ्यावर चित्रपटावर बहिष्कार घातला गेला पण तू जेव्हा आपल्यामध्ये येतोस तेव्हा तुझ्या वाट्यामध्ये कोणीही अडसर निर्माण करू शकत नाही, ही गोष्ट आपण नाकारू शकत नाही. सगळ्यांना पठाणच्या शुभेच्छा. मला चित्रपटाची कथा सांगायची नाही; पण या चित्रपटातील सर्वात चांगला सिक्वेन्स शाहरुख आणि सलमान यांचा आहे. मी उभं राहून टाळ्या वाजवल्या.”

हेही वाचा : बक्कळ पैसा अन् प्रसिद्धी मिळवूनही शाहरुख खानची ‘ही’ इच्छा अपूर्णच, खुलासा करत म्हणाला…

या चित्रपटाचे सगळे शो हाउसफुल होताना दिसत आहेत. तसंच हा वाढता प्रतिसाद बघून या चित्रपटाचे अनेक शो वाढवण्यात आले आहेत. तसंच पहिल्याच दिवशी हा चित्रपट देशभरातून पन्नास कोटींची कमाई करेल असा अंदाज वर्तवला जात आहे.