रणबीर कपूर, करीना कपूर व करिश्मा कपूर यांच्या आत्याचा मुलगा अभिनेता आदर जैन गर्लफ्रेंड अलेखा अडवाणीबरोबर लग्नबंधनात अडकला आहे. गोव्यात आदर व अलेखा यांनी लग्न केलं. या सोहळ्याला नीतू कपूर यांच्यासह अनेकांनी हजेरी लावली होती. अलेखा व आदर यांच्या लग्नातील अनेक फोटो व व्हिडीओ सोशल मीडियावर व्हायरल होत आहेत.
आदर जैन व अलेखा अडवाणी यांचा लग्नसोहळा १२ जानेवारी २०२५ रोजी गोव्यात पार पडला. आदरने लग्नासाठी ग्रे कलरचा सूट निवडला होता ज्यामध्ये तो खूपच डॅशिंग दिसत होता. तर अलेखा अडवाणी पांढऱ्या ऑफ शोल्डर गाऊनमध्ये खूपच सुंदर दिसत होती. अलेखाने मॅचिंग नेकलेस आणि कानातले घालून तिचा लूक पूर्ण केला होता.
हेही वाचा – “मी त्याला झापड मारली असती”, सून ऐश्वर्या रायमुळे शाहरुख खानवर भडकलेल्या जया बच्चन
आदरने त्याच्या इन्स्टाग्राम स्टोरीजमध्ये काही स्टोरी रिपोस्ट केल्या आहेत. त्यात अनेक फोटो व व्हिडीओंचा समावेश आहे. या फोटोंमध्ये हे जोडपे भरपूर रोमान्स करताना दिसत आहे. या जोडप्याच्या मित्रांनी त्यांच्या लग्नाच्या खास क्षणांची झलक त्यांच्या सोशल मीडियावर शेअर केली आहे. यातील एका व्हिडीओमध्ये आदर व अलेखा लिप लॉक करताना दिसत आहेत.
पाहा व्हिडीओ –
आदर जैन हा अभिनेत्री तारा सुतारियाबरोबर २०२० ते २०२३ या काळात रिलेशनशिपमध्ये. दोघेही तीन वर्षे एकत्र होते, तारा आदरबरोबर कपूर कुटुंबाच्या प्रत्येक सेलिब्रेशनला असायची. आदरची होणारी पत्नी अलेखा ही तारा व आदर दोघांचीही चांगली मैत्रीण होती. काही काळाने तारा व आदरचं ब्रेकअप झालं. त्यानंतर आदर व अलेखा बॉलीवूड पार्ट्यांमध्ये व इव्हेंट्समध्ये एकत्र दिसू लागले. मग दोघांनी सोशल मीडियावर नातं अधिकृत केलं. त्यानंतर आदरने अलेखाला लग्नासाठी प्रपोज केलं. या प्रपोजलनंतर मुंबईत दोघांची रोका सेरेमनी पार पडली. या रोका सेरेमनीला करीना कपूर, करीश्मा कपूर, रणबीर कपूर, आलिया भट्टसह कपूर कुटुंबातील अनेक सदस्यांनी हजेरी लावली होती.
हेही वाचा – सुबोध भावेच्या ‘संगीत मानापमान’ सिनेमासाठी अभिनेत्री मृणाल ठाकूरची पोस्ट, म्हणाली…
अलेखा अडवाणी हिचं शिक्षण न्यूयॉर्कमध्ये झालं असून ती मॉडेलिंग क्षेत्रात सक्रिय आहे. तारा आणि अलेखा एकमेकींच्या चांगल्या मैत्रिणी आहेत. दरम्यान, आदर जैन हा अभिनेते-चित्रपट निर्माते राज कपूर यांची मुलगी रीमा जैनचा मुलगा आहे. रीमा जैन ही करिश्मा, करीना आणि रणबीर कपूर यांची आत्या आहे. आदरने ‘कैदी बँड’, ‘मोगुल’ आणि ‘हॅलो चार्ली’ सारख्या बॉलीवूड चित्रपटांमध्ये काम केलं आहे.
