वारंवार नकार तरी मानली नाही हार; कार्तिक आर्यनने शेअर केल्या संघर्ष काळातील आठवणी, म्हणाला, “मला लाज…”

प्रत्येक कलाकाराला यशाचं फळ चाखण्याआधी मोठा संघर्ष करावा लागतो. या संघर्षाच्या काळात अनेकजण खचून जातात आणि माघार घेतात. मात्र, वारंवार ऑडिशनमध्ये नकार मिळूनसुद्धा कार्तिकने यश मिळेपर्यंत हार मानली नाही. शोमध्ये बोलताना त्याने सांगितलं, ” ‘प्यार का पंचनामा’ हा माझा पहिला चित्रपट आहे. मात्र, हा चित्रपट मिळवण्याआधी मला फार संघर्ष करावा लागाला. जवळपास ४ वर्षे मी ऑडिशन देत होतो आणि मला रिजेक्ट केलं जात होतं. परंतू ‘प्यार का पंचनामा’ने मला एका रात्रीत मोठं स्टार बनवलं.”

हेही वाचा : “भाईजान आम्हाला तुझा…”, सैफ अली खानसाठी बहिणीची भावुक पोस्ट, बालपणीचा फोटो शेअर करत म्हणाली…

कार्तिक पुढे म्हणाला, “अनेक तरुण येथे मला हिरो व्हायचं आहे ही भावना मनात घेऊन येतात. मीदेखील त्यांच्यातीलच एक होतो. मी बऱ्याच ठिकाणी ऑडिशन दिल्या होत्या. मात्र, मला प्रत्येक ठिकाणी नकार मिळत होता. मला माझी क्षमता माहिती होती, पण मी माझं नशीब बघत होतो. ४ वर्षे असे केल्यानंतर शेवटी मला माझा पहिला चित्रपट मिळाला, या संधीसाठी मी कायम आभारी आहे.”

“एवढ्यावेळा नकार मिळाल्यावर पुढे जाण्याच्या विचारात कधी काही बदल झाला का?”, असा प्रश्न त्याला मुलाखतीत विचारण्यात आला. त्यावेळी कार्तिक म्हणाला, “मला सवय झाली होती आणि मला कसली लाजसुद्धा वाटत नव्हती. ही भूमिका तुझ्यासाठी बनलेली नाही, असं मला रोज ऐकायला मिळत होतं. मला माहिती होतं माझ्याकडे गमवण्यासारखं काहीही नाही. त्यामुळे मी हार मानली नाही. स्वत:चे काम पूर्ण होण्यासाठी तुमच्यामध्ये आत्मविश्वास असणे फार महत्वाचे आहे. आत्मविश्वास आणि अथक परिश्रम या दोन्ही गोष्टी एकत्र आल्यास तुम्हाला यश नक्की मिळते. मीदेखील तेच केले आणि मला हव्या असलेल्या गोष्टींवर यश मिळवले. त्यानंतर सर्वकाही ठीक आणि सुरळीत झाले.”

हेही वाचा : सैफ अली खानवरील हल्ल्यानंतर रवीना टंडनने वांद्रे परिसरातील सुरक्षेवर व्यक्त केली चिंता; म्हणाली, “सेलिब्रिटींना टार्गेट…”

कार्तिकने साल २०११ मध्ये सिनेविश्वात पहिलं पाऊल ठेवलं. त्यानंतर आता जवळपास १५ वर्षांच्या काळात त्याने मोठ्या मेहनतीने एका हरहुन्नरी अभिनेत्याच्या रुपात स्वत:ला तयार केलं आहे. अभिनयातील कामामुळे त्याला आजवर विविध पुरस्कारांनी गौरवण्यातही आलं आहे.