कतरिना कैफ व विकी कौशल सेलिब्रिटी कपलची बी-टाऊनमध्ये नेहमीच चर्चा रंगताना दिसते. सोशल मीडियाद्वारे कतरिना विकीबरोबरचे बरेच फोटो व व्हिडीओ शेअर करताना दिसते. तिने नुकताच विकीचा बेडरूममधील व्हिडीओ शेअर केला होता. या व्हिडीओमध्ये गाढ झोपलेल्या विकीला ती झोपेतून उठवताना दिसली. आता कतरिनाने एका मुलाखतीदरम्यान विकीच्या त्रासदायक सवयीबाबत भाष्य केलं आहे. एरव्ही आपल्या नवऱ्याचं कौतुक करणारी ही अभिनेत्री यावेळी मात्र विकीची तक्रार करताना दिसली.
आणखी वाचा – Video : गाढ झोपलेल्या नवऱ्याबरोबर कतरिना कैफने केलं असं काही की…; बेडरूममधील व्हिडीओ सोशल मीडियावर व्हायरल
‘फोन भूत’ या आगामी चित्रपटाच्या प्रमोशनमध्ये कतरिना व्यग्र आहे. याच चित्रपटानिमित्त ‘पिंकविला’ला दिलेल्या मुलाखतीमध्ये तिने तिच्या खासगी आयुष्याबाबत खुलासा केला. ती म्हणाली, “विकी जेव्हा डान्स करतो तेव्हा तो खूप खुश असतो. डान्सबरोबरच त्याला गाणं गाणंही खूप आवडतं आणि तो एक उत्तम गायकही आहे. जेव्हा मला रात्री झोप येत नाही तेव्हा मी त्याला गाणं गात मला झोपव असं सांगते.”
पुढे तिला विकीच्या कोणत्या गोष्टीमुळे तुला त्रास सहन करावा लागतो? असं विचारण्यात आलं. यावर ती म्हणाली, “विकी बऱ्याचदा खूप हट्टीपणा करतो. मला त्याच्या याच स्वभावाची खूप चीड येते.” म्हणजेच विकीचा हट्टीपणा कतरिनाला अगदीच आवडत नसल्याचं तिने स्पष्टपणे सांगितलं आहे.
आणखी वाचा – टेरेंस लुईसने नोरा फतेहीला चुकीच्या पद्धतीने केला स्पर्श? कोरियोग्राफर म्हणतो, “मला शिवीगाळ…”
या मुलाखतीदरम्यान कतरिनाला सलमान खान ही व्यक्ती म्हणून कशी आहे? असं विचारण्यात आलं. यावेळी तिने “त्याचं व्यक्तीमत्त्व खूपच मजेशीर आहे.” असं म्हटलं. तसेच आलियाबाबत विचारताच ती माझ्यासाठी कायमच खास राहणार असंही कतरिनाने म्हटलं.
