इंडियन क्रिकेटर के.एल.राहुल व अथिया शेट्टी आज विवाहबंधनात अडकणार आहेत. अथिया व के.एल.राहुलच्या लग्नापूर्वीच्या कार्यक्रमांना सुरुवात झाली आहे. नुकताच त्यांच्या संगीत सोहळ्यातील व्हिडीओ समोर आला आहे. के.एल.राहुल व अथियाच्या लग्नाची धामधुम सुरू असतानाच त्यांच्या लग्नाबाबत एक मोठी अपडेट मिळत आहे.
के.एल.राहुल व अथियाच्या लग्नाच्या मुहुर्ताची वेळ आता समोर आली आहे. मीडिया रिपोर्टनुसार, के.एल.राहुल व अथिया संध्याकाळी ४:०० वाजता विवाहबंधनात अडकणार आहेत. सुनील शेट्टीच्या खंडाळ्यातील फार्म हाऊसवर त्यांचा शाही विवाहसोहळा पार पडणार आहे. के.एल.राहुल व अथियाच्या लग्नासाठी सजलेल्या सुनील शेट्टीच्या फार्म हाऊसची झलकही काही दिवसांपूर्वी समोर आली होती.
हेही वाचा>>सुश्मिता सेनने खरेदी केली नवी मर्सिडीज कार, किंमत ऐकून थक्क व्हाल
के.एल.राहुल व अथिया शेट्टीच्या लग्नात बॉलिवूड कलाकारांसह क्रिकेट विश्वातील सेलिब्रिटीही हजेरी लावणार आहेत. मीडिया रिपोर्ट्सनुसार, लग्नात जवळपास १०० पाहुणे असणार आहेत. के.एल.राहुल व अथिया शेट्टीच्या लग्नात नो फोन पॉलिसी लागू करण्यात आली आहे. सलमान खान, शाहरुख खानसह एम.एस.धोनी, विराट कोहली, अनुष्का शर्मा, जॉकी श्रॉफ हे सेलिब्रिटी हजेरी लावणार आहेत.
हेही वाचा>> “घरातून लव्ह मॅरेजला…”, ‘रंग माझा वेगळा’मधील ‘दीपा’ची पोस्ट चर्चेत
के.एल.राहुल व अथिया शेट्टी गेल्या अनेक वर्षांपासून रिलेशनशिपमध्ये आहेत. अनेक ठिकाणी त्यांना एकत्र स्पॉटही करण्यात आलं होतं. आता विवाहबंधनात अडकून के.एल.राहुल व अथिया त्यांच्या नवीन आयुष्याला सुरुवात करणार आहेत.
