Kriti Kharbanda Pulkit Samrat got married:अभिनेत्री क्रिती खरबंदा व अभिनेता पुलकित सम्राट लग्नबंधनात अडकले आहेत. क्रितीने लग्नातील काही खास क्षणांचे फोटो इन्स्टाग्रामवर शेअर केले आहेत. क्रिती व पुलकित दोघेही या फोटोंमध्ये खूप सुंदर दिसत आहेत. या जोडप्याने शुक्रवारी (१५ मार्च रोजी) मानेसरमध्ये लग्नगाठ बांधली.
लग्नासाठी क्रितीने बेबी पिंक रंगाचा लेहेंगा निवडला होता, तर पुलकितने या खा दिवसासाठी ऑलिव्ह ग्रीन रंगाची शेरवानी परिधान केली होती. पुलकितच्या शेरवानीची खासियत म्हणजे यावर संस्कृतमध्ये मंत्र लिहिलेले दिसत आहेत. सुंदर कॅप्शन देत क्रितीने हे लग्नाचे फोटो शेअर केले आहेत.
क्रिती व पुलकित यांच्यावर चाहते व बॉलीवूड सेलिब्रिटी शुभेच्छांचा वर्षाव करत आहेत. दोघेही लग्नानंतर नवीन आयुष्याची सुरुवात करत आहेत, त्यासाठी कमेंट करून चाहते व मित्र-मैत्रिणी त्याचं अभिनंदन करत आहेत. दरम्यान, पुलकित व क्रितीबद्दल बोलायचं झाल्यास मागच्या काही वर्षांपासून ते एकमेकांना डेट करत होते. दोघांनी काही दिवसांपूर्वीच मार्चमध्ये लग्न करणार असल्याचे संकेत फोटो पोस्ट करून दिले होते. दोघांनी १५ मार्च रोजी मानेसरमध्ये कुटुंबीय व जवळच्या लोकांच्या उपस्थितीत लग्नगाठ बांधली.
