कलाकार मंडळींचं अफेअर, रिलेशनशिप, वैवाहिक आयुष्य नेहमीच चर्चेचा विषय ठरतं. बॉलिवूडमधील टॉपच्या अभिनेत्रींचंही खासगी आयुष्य कोणापासून लपून राहिलेलं नाही. त्यातीलच एक अभिनेत्री म्हणजे माधुरी दीक्षित. डॉक्टर श्रीराम नेने यांच्याशी लग्न करण्यापूर्वी माधुरीचं नाव काही व्यक्तींशी जोडलं गेलं. त्यातीलच एक नाव म्हणजे क्रिकेटपटू अजय जडेजा. माधुरी व अजय दोघंही एकमेकांच्या प्रेमात होते.
आणखी वाचा – Video : निक जोनसवर चाहतीनं फेकलं अंतर्वस्त्र, प्रियांका चोप्रानं असं काही केलं की…; व्हिडीओ व्हायरल
एका मासिकाच्या फोटोशूटदरम्यान माधुरी व अजय यांच्यामध्ये मैत्री झाली. त्यानंतर दोघांमध्ये मैत्रीचं नातं निर्माण झालं. या दोघांच्या मैत्रीचं प्रेमामध्ये रुपांतर झालं. नव्वदच्या दशकामध्ये माधुरी व अजयच्या अफेअरच्या बऱ्याच चर्चाही रंगल्या. त्यावेळी अजय सर्वाधिक चर्चेत असलेल्या क्रिकेटपटूंपैकी एक होते.
अजय यांची लोकप्रियता असताना दुसरीकडे माधुरीचाही ‘दिल तो पागल है’ चित्रपट प्रदर्शित झाला होता. तिचा हा चित्रपटही सुपरहिट ठरला. माधुरी व अजय यांचं करिअर सुरळीत सुरू असताना कुटुंबियांमुळे दोघंही एकमेकांपासून दूर झाले. अजयच्या कुटुंबियांचा या नात्याला विरोध होता. एबीपी न्यूजच्या वृत्तानुसार माधुरीचे कुटुंबीय तसेच अभिनयक्षेत्रामधील मुलगी असल्याने त्यांना हे नातं मान्य नव्हतं.
शिवाय माधुरीबरोबर असताना काही दिवसांनंतर अजय यांच्या करिअरमध्येही बरेच चढ-उतार आले. १९९९ नंतर माधुरी व अजय यांच्या नात्यामध्ये फुट पडली. यामागंच कारण म्हणजे मॅच फिक्सिंग प्रकरणामध्ये अजय अडकला. त्यानंतर माधुरीने अशा मुलाशी लग्न करु नये असं तिच्या आई-वडिलांना वाटू लागलं. त्यानंतर माधुरीही अमेरिका येथे निघून गेली. तिथेच माधुरी व श्रीराम नेने यांची भेट झाली. ऑक्टोबर १९९९मध्ये माधुरीने श्रीराम यांच्याशी लग्न केलं. तर अजय २०००मध्ये विवाहबंधनात अडकला.
