Madhuri Dixit Husband Dr. Nene Make Mango Sticky Rice : ‘तेजाब’, ‘हम आपके हैं कौन’, ‘राम लखन’, ‘खलनायक’, ‘दिल तो पागल हैं’ अशा बऱ्याच चित्रपटांतून घराघरांत लोकप्रिय झालेली अभिनेत्री म्हणून माधुरी दीक्षितला ओळखलं जातं. दमदार अभिनयाबरोबरच माधुरी उत्तम नृत्यांगणा म्हणून देखील ओळखली जाते. तिचा चाहतावर्ग मोठ्या प्रमाणात आहे. माधुरीने करिअरच्या शिखरावर असताना १९९९ मध्ये लग्न करण्याचा निर्णय घेतला. डॉ. श्रीराम नेनेंशी अभिनेत्रीने अमेरिकेत लग्नगाठ बांधली. हे जोडपं सोशल मीडियावर कायम सक्रिय असतं. त्यांनी नुकताच शेअर केलेला एक व्हिडीओ सध्या चर्चेत आला आहे.
डॉ. श्रीराम नेने यांचं युट्यूब चॅनेल आहे. यावर ते विविध पाककृती बनवून दाखवत असतात. यापूर्वी पाणीपुरी, मिसळ पाव, पुरणपोळी असे विविध पदार्थ डॉ. नेनेंनी त्यांच्या चाहत्यांना बनवून दाखवले आहेत. आता डॉ. नेनेंनी नुकत्याच शेअर केलेल्या एका नव्या पाककृतीने सर्वांचं लक्ष वेधून घेतलं आहे.
हेही वाचा : Anant – Radhika Wedding Live Updates : अनंत-राधिकाला आशीर्वाद द्यायला पोहोचले शरद पवार, पाहा व्हिडीओ
डॉ. श्रीराम नेनेंनी बनवला मँगो स्टिकी राइस
डॉ. श्रीराम नेनेंनी त्यांच्या लाडक्या मुलाबरोबर मिळून मँगो स्टिकी राइस बनवला आहे. तांदूळ, नारळाचं दूध, गूळ, आंबे वापरून त्यांनी हा चविष्ट राइस बनवला आहे. डॉ. नेनेंना एवढं सगळं जेवण येत असल्याचं पाहून त्यांच्या फॉलोअर्सनी आश्चर्य व्यक्त केलं आहे. अनेकांनी कमेंट्समध्ये माधुरीला असं चविष्ट जेवण बनवणारा नवरा मिळाल्याने ती खूपच लकी आहे अशाही प्रतिक्रिया कमेंट्समध्ये दिल्या आहेत.
डॉ. नेनेंनी यापूर्वी माधुरीबरोबर मिळून मिसळ बनवली होती. त्यानंतर होळीनिमित्त त्यांनी खास पुरणपोळीचा बेत केला होता. आता त्यांनी पावसाळ्यानिमित्त मँगो स्टिकी राइस बनवला आहे. त्यांच्या पाककौशल्याचं कौतुक करण्यात येत आहे.
हेही वाचा : Shah Rukh Khan and Salman Khan Dance : अनंत अंबानीच्या वरातीत करण-अर्जुनचा जबरदस्त डान्स, पाहा व्हिडीओ
दरम्यान, यांच्या कामाबद्दल सांगायचं झालं, तर माधुरी व डॉ. नेनेंची निर्मिती असलेला ‘पंचक’ चित्रपट जानेवारी महिन्यात प्रेक्षकांच्या भेटीला आला होता. या चित्रपटामध्ये दिग्गज मराठी कलाकारांची फौज पाहायला मिळाली. नुकतीच या जोडप्याने एकत्र अंबानींच्या लग्नसोहळ्याला उपस्थिती लावून जबरदस्त डान्स केल्याचं पाहायला मिळालं.
© IE Online Media Services (P) Ltd
