माधुरी दीक्षित ही बॉलीवूडमधील एक प्रख्यात अभिनेत्री आणि अप्रतिम सौंदर्यवती आहे. आपल्या सौंदर्याने, अभिनय कौशल्याने आणि अदाकारीने ती प्रेक्षकांची मने जिंकत आली आहे. आज ती सिनेसृष्टीतील एक यशस्वी अभिनेत्री असली, तरी तिचा आजवरचा प्रवास सोपा नव्हता. तिच्या कारकिर्दीच्या सुरुवातीच्या काळात तिला तिच्या शरीरावरून टीका सहन करावी लागली होती, असे तिने स्वतः एका मुलाखतीत सांगितले.
माधुरी दीक्षितला सुरुवातीच्या काळात चित्रपटसृष्टीतील अन्यायकारक सौंदर्य निकषांचा सामना करावा लागला. ‘तेजाब’ चित्रपटाच्या आधी ती बारीक असल्यामुळे टीकेला सामोरे जावे लागले होते. ‘बॉलीवूड हंगामा’ला दिलेल्या एका जुन्या मुलाखतीत तिने याबद्दल सांगितले होते.
या मुलाखतीत माधुरी म्हणाली होती, “माझ्या काळात… त्यांना मी खूपच बारीक वाटायचे. ‘ही हिरोईन आहे? हिला जरा जाड करा,’ असं ते म्हणायचे. पण, मला वाटतं आज तसं काही होत नाही.” मात्र, ही टीका तिच्यावर कधीही कोणी समोरून केली नाही, असेही तिने स्पष्ट केले होते. तिने पुढे सांगितले होते की, “कुणीही कधीच माझ्या समोर असं काही बोललं नाही. फारतर ते म्हणायचे, ‘तू खूपच बारीक आहे,’ मग ‘तेजाब’ आला. त्यानंतर मी बारीक आहे की जाड, याचं काहीच महत्त्व राहिलं नाही.”
माधुरी दीक्षित आज इंडस्ट्रीतील सर्वांत यशस्वी अभिनेत्रींपैकी एक आहे. तिला भारतातील चौथ्या क्रमांकाचा नागरी सन्मान, पद्मश्री मिळाला आहे. आजही तिच्या अदाकारीने ती चाहत्यांना मंत्रमुग्ध करते आणि ती अनेकांची क्रश राहिली आहे.
माधुरीने १९८४ ला ‘अबोध’ या चित्रपटातून अभिनय क्षेत्रात पदार्पण केले. तिला खरी ओळख ‘तेजाब’ या सिनेमातून मिळाली. यानंतर ती ‘दिल’, ‘बेटा’, ‘हम आपके हैं कौन’ यांसारख्या अनेक व्यावसायिकदृष्ट्या यशस्वी चित्रपटांमध्ये झळकली. ‘बेटा’ चित्रपटानंतर ती ‘धक धक गर्ल’ म्हणून प्रसिद्ध झाली. या गाण्यातील अनिल कपूरबरोबरच्या तिच्या अप्रतिम अभिनयाने ती घराघरात पोहोचली. आपल्या कारकिर्दीत तिने अनेक पुरस्कार आणि गौरव मिळवले आहेत.
हेही वाचा…“त्या दिग्दर्शकाने मला ऑफिसमध्ये बोलावलं आणि…”, राजकुमार रावच्या पत्नीने सांगितला ‘तो’ अनुभव
माधुरी नुकतीच ‘भूल भुलैया ३’ चित्रपटात झळकली. यामध्ये विद्या बालन, कार्तिक आर्यन आणि तृप्ती डिमरीसुद्धा होते. हा चित्रपट ‘सिंघम अगेन’ या मल्टीस्टारर चित्रपटाबरोबर रिलीज झाला होता, तरीही या चित्रपटाने बॉक्स ऑफिसवर चांगले यश मिळवले आहे.
माधुरी दीक्षितला सुरुवातीच्या काळात चित्रपटसृष्टीतील अन्यायकारक सौंदर्य निकषांचा सामना करावा लागला. ‘तेजाब’ चित्रपटाच्या आधी ती बारीक असल्यामुळे टीकेला सामोरे जावे लागले होते. ‘बॉलीवूड हंगामा’ला दिलेल्या एका जुन्या मुलाखतीत तिने याबद्दल सांगितले होते.
या मुलाखतीत माधुरी म्हणाली होती, “माझ्या काळात… त्यांना मी खूपच बारीक वाटायचे. ‘ही हिरोईन आहे? हिला जरा जाड करा,’ असं ते म्हणायचे. पण, मला वाटतं आज तसं काही होत नाही.” मात्र, ही टीका तिच्यावर कधीही कोणी समोरून केली नाही, असेही तिने स्पष्ट केले होते. तिने पुढे सांगितले होते की, “कुणीही कधीच माझ्या समोर असं काही बोललं नाही. फारतर ते म्हणायचे, ‘तू खूपच बारीक आहे,’ मग ‘तेजाब’ आला. त्यानंतर मी बारीक आहे की जाड, याचं काहीच महत्त्व राहिलं नाही.”
माधुरी दीक्षित आज इंडस्ट्रीतील सर्वांत यशस्वी अभिनेत्रींपैकी एक आहे. तिला भारतातील चौथ्या क्रमांकाचा नागरी सन्मान, पद्मश्री मिळाला आहे. आजही तिच्या अदाकारीने ती चाहत्यांना मंत्रमुग्ध करते आणि ती अनेकांची क्रश राहिली आहे.
माधुरीने १९८४ ला ‘अबोध’ या चित्रपटातून अभिनय क्षेत्रात पदार्पण केले. तिला खरी ओळख ‘तेजाब’ या सिनेमातून मिळाली. यानंतर ती ‘दिल’, ‘बेटा’, ‘हम आपके हैं कौन’ यांसारख्या अनेक व्यावसायिकदृष्ट्या यशस्वी चित्रपटांमध्ये झळकली. ‘बेटा’ चित्रपटानंतर ती ‘धक धक गर्ल’ म्हणून प्रसिद्ध झाली. या गाण्यातील अनिल कपूरबरोबरच्या तिच्या अप्रतिम अभिनयाने ती घराघरात पोहोचली. आपल्या कारकिर्दीत तिने अनेक पुरस्कार आणि गौरव मिळवले आहेत.
हेही वाचा…“त्या दिग्दर्शकाने मला ऑफिसमध्ये बोलावलं आणि…”, राजकुमार रावच्या पत्नीने सांगितला ‘तो’ अनुभव
माधुरी नुकतीच ‘भूल भुलैया ३’ चित्रपटात झळकली. यामध्ये विद्या बालन, कार्तिक आर्यन आणि तृप्ती डिमरीसुद्धा होते. हा चित्रपट ‘सिंघम अगेन’ या मल्टीस्टारर चित्रपटाबरोबर रिलीज झाला होता, तरीही या चित्रपटाने बॉक्स ऑफिसवर चांगले यश मिळवले आहे.
