Meenakshi Seshadri : मीनाक्षी शेषाद्रीने १९८० आणि १९९० च्या दशकात ‘दामिनी’, ‘हीरो’, ‘मेरी जंग’, ‘घातक’ यांसारख्या लोकप्रिय चित्रपटांमध्ये काम केलं. मीनाक्षी अनेकदा शूटिंगचे जुने किस्से सांगत असते. आता तिने कठीण परिस्थितीत शूटिंगचा अनुभव सांगितला. त्या काळी सेटवर स्वच्छतागृहे नसायची किंवा खूप कमी असायची, त्यामुळे अडचणींनाचा सामना करावा लागायचा. सेटवर स्वतःची व्हॅनिटी व्हॅन असलेली पहिली अभिनेत्री पूनम ढिल्लों होती. तोपर्यंत मी सिनेसृष्टी सोडण्याच्या तयारीत होते, असं मीनाक्षीने सांगितलं.
मीनाक्षीने कबीर वाणीला दिलेल्या मुलाखतीत सांगितलं की सेटवर जवळपास ५०-१०० लोक एकच स्वच्छतागृह वापरायचे. पुरुष आणि महिलांसाठी वेगळी स्वच्छतागृहे नसायची. “काही स्टुडिओंमध्ये फक्त एकच स्वच्छतागृह असायचे. ५० ते १०० लोक एकच स्वच्छतागृह वापरायचे, त्यामुळे वेगळे शौचालय नसायचे. फॅन्सी ड्रेसेस घातल्यावर शौचालय वापरताना खूप काळजी घ्यावी लागायची”, असं ती म्हणाली.
हेही वाचा – “माझे आई-वडील वेगळे झाल्यावर…”, पालकांच्या घटस्फोटाबाबत पहिल्यांदाच बोलली जान्हवी कपूरची सावत्र बहीण
मीनाक्षी शेषाद्रीने सांगितला सर्वात वाईट अनुभव
मुलाखतीत मीनाक्षीला तिच्या सर्वात वाईट अनुभवाबद्दल विचारण्यात आलं. त्यावेळी तिने एका रोमँटिक गाण्यातील शूटिंगचा अनुभव सांगितला. हे गाणं तिला पावसात शूट करायचं होतं आणि तिला अतिसार झाला होता. “एके दिवशी मला अतिसार झाला होता, तो शूटिंगचा सर्वात वाईट दिवस होता. त्या परिस्थितीतही मी अभिनय करत होते, पावसात रोमँटिक गाणं शूट करायचं होतं”, असं मीनाक्षी म्हणाली.
जया बच्चन यांनी सांगितली होती सेटवरची परिस्थिती
‘व्हॉट द हेल नव्या’ या पॉडकास्टमध्ये जया बच्चन यांनी आउटडोअर शूटिंग करताना परिस्थिती कशी असायची ते सांगितलं होतं. शौचालये नसल्यामुळे महिला कलाकारांना आउटडोअर शूटच्या वेळी झाडा-झुडपात जाऊन सॅनिटरी पॅड बदलावे लागायचे. “जेव्हा आम्ही आउटडोअर शूट करायचो तेव्हा आमच्याकडे व्हॅन नव्हत्या. आम्हाला झुडपांच्या मागे सॅनिटरी पॅड बदलावे लागायचे. तेव्हा पुरेशी शौचालयेही नव्हती. सगळीकडे अस्वच्छता असायची,” असं जया बच्चन म्हणाल्या होत्या.
मीनाक्षीने कबीर वाणीला दिलेल्या मुलाखतीत सांगितलं की सेटवर जवळपास ५०-१०० लोक एकच स्वच्छतागृह वापरायचे. पुरुष आणि महिलांसाठी वेगळी स्वच्छतागृहे नसायची. “काही स्टुडिओंमध्ये फक्त एकच स्वच्छतागृह असायचे. ५० ते १०० लोक एकच स्वच्छतागृह वापरायचे, त्यामुळे वेगळे शौचालय नसायचे. फॅन्सी ड्रेसेस घातल्यावर शौचालय वापरताना खूप काळजी घ्यावी लागायची”, असं ती म्हणाली.
हेही वाचा – “माझे आई-वडील वेगळे झाल्यावर…”, पालकांच्या घटस्फोटाबाबत पहिल्यांदाच बोलली जान्हवी कपूरची सावत्र बहीण
मीनाक्षी शेषाद्रीने सांगितला सर्वात वाईट अनुभव
मुलाखतीत मीनाक्षीला तिच्या सर्वात वाईट अनुभवाबद्दल विचारण्यात आलं. त्यावेळी तिने एका रोमँटिक गाण्यातील शूटिंगचा अनुभव सांगितला. हे गाणं तिला पावसात शूट करायचं होतं आणि तिला अतिसार झाला होता. “एके दिवशी मला अतिसार झाला होता, तो शूटिंगचा सर्वात वाईट दिवस होता. त्या परिस्थितीतही मी अभिनय करत होते, पावसात रोमँटिक गाणं शूट करायचं होतं”, असं मीनाक्षी म्हणाली.
जया बच्चन यांनी सांगितली होती सेटवरची परिस्थिती
‘व्हॉट द हेल नव्या’ या पॉडकास्टमध्ये जया बच्चन यांनी आउटडोअर शूटिंग करताना परिस्थिती कशी असायची ते सांगितलं होतं. शौचालये नसल्यामुळे महिला कलाकारांना आउटडोअर शूटच्या वेळी झाडा-झुडपात जाऊन सॅनिटरी पॅड बदलावे लागायचे. “जेव्हा आम्ही आउटडोअर शूट करायचो तेव्हा आमच्याकडे व्हॅन नव्हत्या. आम्हाला झुडपांच्या मागे सॅनिटरी पॅड बदलावे लागायचे. तेव्हा पुरेशी शौचालयेही नव्हती. सगळीकडे अस्वच्छता असायची,” असं जया बच्चन म्हणाल्या होत्या.
