रणवीर सिंह ‘या’ भूमिकेसाठी माझ्यासमोर बसला होता तीन तास, शक्तिमान फेम अभिनेत्याच वक्तव्य; म्हणाला “त्याच्या चेहर्‍यावर…”

रणवीर सिंह योग्य निवड नाही – मुकेश खन्ना

शक्तिमानच्या भूमिकेसाठी रणवीर सिंहची निवड झाल्याच्या अफवांनंतर, मुकेश खन्ना यांनी सोशल मीडियावर आपली नाराजी व्यक्त केली होती. त्यांनी स्पष्टपणे सांगितलं की, रणवीर सिंह, अक्षय कुमार किंवा आमिर खान यांसारख्या आजच्या पिढीतील कोणत्याही अभिनेत्यांमध्ये शक्तिमान साकारण्यासाठी आवश्यक असणार निरागसपण आणि प्रामाणिकपण नाही.

हेही वाचा…Video : शाहरुख खान आणि विकी कौशलचा ‘ऊ अंटावा’ गाण्यावर डान्स; समांथा रुथ प्रभू व्हिडीओ शेअर करत म्हणाली, “मी स्वप्नातही…”

“रणवीरने शक्तिमानची भूमिका मिळवण्यासाठी मनधरणी करण्याचा प्रयत्न केला”

‘बॉलीवूड ठिकाणा’ला दिलेल्या मुलाखतीत मुकेश खन्ना यांनी सांगितलं, “सर्वांना माहित आहे की रणवीर सिंहने त्याला शक्तिमानची भूमिका साकारण्याची संधी मिळावी यासाठी त्याने माझी मनधरणी करण्याचा प्रयत्न केला होता. हे खर आहे की मी रणवीरचं त्याच्या अभिनयासाठी कौतुक केलं आणि त्याला प्रतिभावान अभिनेता म्हटलं. मात्र, मी रणवीरला शक्तिमान म्हणून मान्यता दिलेली नव्हती. मी याबाबत एक व्हिडीओसुद्धा अपलोड केला होता ज्यामध्ये मी स्पष्ट केलं की रणवीरला या भूमिकेसाठी मी निवडलं नाही.”

मुकेश खन्ना पुढे सांगतात, “रणवीर माझ्यासमोर तीन तास बसला होता, परंतु शेवटी मला त्याला सांगावं लागलं की या भूमिकेसाठी आवश्यक असलेल्या भावनाच त्याच्या चेहऱ्यावर दिसत नाहीत.”

हेही वाचा…Video : ‘ॲनिमल’साठी सर्वोत्कृष्ट खलनायकाचा पुरस्कार मिळाला अन् बॉबी देओलने पत्नीला केलं किस, व्हिडीओ व्हायरल

रणवीर सिंहच्या गंभीर भूमिकांबद्दल प्रशंसा

मुकेश खन्ना यांना रणवीरने गंभीर भूमिका चांगल्या प्रकारे केल्या आहेत यावर तुमच मत काय अस विचारले असता त्यांनी याबाबतीत रणवीरच्या कौशल्याचं आणि त्याच्या कामगिरीचं कौतुक केलं. मात्र, त्यांनी पुन्हा एकदा ठामपणे सांगितलं की रणवीर शक्तिमानच्या भूमिकेसाठी योग्य निवड नाही. “सिनेक्षेत्रात निर्माता कलाकाराची निवड करतो, त्याउलट कधीच होत नाही,” असंही मुकेश खन्ना म्हणाले.

हेही वाचा…Video : दिलजीत दोसांझने पाकिस्तानी चाहतीला लाइव्ह कॉन्सर्टमध्ये दिली भेटवस्तू; म्हणाला, “या सीमा राजकारण्यांनी…”

रणवीर सिंहच्या वादग्रस्त फोटोशूटवर टीका

रणवीर सिंहच्या वादग्रस्त न्यूड फोटोशूटबद्दल मुकेश खन्ना यांनी आपल्या नाराजीचा पुनरुच्चार केला. त्यांनी सांगितलं, “त्या फोटोशूटपासूनच माझा रणवीरकडे पाहण्याचा दृष्टीकोन बदलला. त्यांनी रणवीरच्या नग्न फोटोशूटसाठी त्याच्यावर टीका केली होती आणि त्याला सल्ला दिला होता की, ज्या देशात नग्नता ही कॉमन आहे त्या देशात रणवीरने जाऊन अशा भूमिका कराव्यात.”