अभिनेता शाहरुख खानला बॉलिवूडमध्ये येऊन नुकतीच ३१ वर्ष पूर्ण झाली. यानिमित्ताने शाहरुख खानने #AskSRKच्या सेशनमधून ३१ मिनिटे चाहत्यांशी संवाद साधला. यावेळी शाहरुखच्या चाहत्यांनी त्याच्या आजवरच्या प्रवासासंबंधित प्रश्न विचारले. यावर शाहरुखने गमतीशीर उत्तर दिली. यावेळी एका चाहत्याने शाहरुखचा ३१ वर्षांपूर्वीचा ‘दिवाना’ चित्रपटातील एका गाण्याचा व्हिडिओ ट्वीट करून प्रश्न विचारला होता. याच व्हिडिओची दखल मुंबई वाहतूक पोलिसांनी घेत यावर मजेशीर प्रतिक्रिया दिली आहे.
एका ट्वीटर युझरने शाहरुखच्या ‘दिवाना’ चित्रपटातील ‘कोई न कोई चाहिए प्यार करने वाला’ या गाण्यातील एक व्हिडिओ शेअर केला. ज्यामध्ये शाहरुख विना हेल्मट रस्त्यावर फिरत आहे. यासंदर्भात युझरने शाहरुखला विचारले की, “सर तुमची ही एपिक एंट्री पाहून तुम्हाला कसे वाटते? याला आता ३१ वर्ष पूर्ण झाली आहेत, तरीही अजून आम्हाला हे पाहू भारी वाटते.”
हेही वाचा – ‘खतरों के खिलाडी १३’ मधून ‘हा’ स्पर्धक बाहेर; टॉप ८ मध्ये कोणी मारली बाजी, जाणून घ्या
यावर शाहरुख म्हणतो की, “व्वा, आता कळाले की, ‘दिवाना’ चित्रपट बॉक्स हिट होऊन ३१ वर्ष पूर्ण झाली आहेत. हा खूप चांगला प्रवास होता. थँक्यू सगळ्यांना. आपण ३१ मिनिटं बोलू शकलो.”
तसेच त्याच ट्वीटला पुन्हा एकदा रिट्वीट करत शाहरुख म्हणाला की, “हेल्मेट घातले पाहिजे होते.” याच शाहरुखच्या ट्वीटची मुंबई वाहतूक पोलिसांनी दखल घेत म्हटले की, “स्वदेश असो किंवा परदेश, सेफ्टीचा बादशाह #हेल्मटहेना.” सध्या शाहरुखचे आणि मुंबई पोलिसांचे हे ट्वीट चांगलेच व्हायरल होत आहे.
हेही वाचा – इसे कहते है दोस्ती! करण जोहरसाठी वरुण धवनने घेतला ‘हा’ मोठा निर्णय
दरम्यान शाहरुख खान सध्या ‘डंकी’च्या शूटिंगमध्ये व्यग्र आहे. तसेच त्याचा ‘जवान’ चित्रपट ७ सप्टेंबरला प्रेक्षकांच्या भेटीस येणार आहे. ‘पठाण’च्या भरघोस यशानंतर शाहरुखच्या ‘जवान’ आणि ‘डंकी’ चित्रपटाकडून चाहत्यांना अधिक अपेक्षा आहेत.
