Nana Patekar is Virat Kohli Fan: विराट कोहलीचे जगभरात चाहते आहेत. आपल्या विलक्षण फलंदाजीने जगाला भुरळ घालणाऱ्या विराटने करिअरमध्ये अनेक रेकॉर्ड नावे केले आहेत. विराटचे चाहते फक्त सर्वसामान्यच नाहीत, तर सेलिब्रिटीही आहेत. विराटच्या सेलिब्रिटी चाहत्यांच्या यादीतील एक नाव म्हणजे ज्येष्ठ अभिनेते नाना पाटेकर होय. नाना पाटेकरांनी स्वतःच याबाबत माहिती दिली आहे.
नाना पाटेकरांना क्रिकेटची खूप आवड आहे. त्यांचा आवडता क्रिकेटपटू कोण, याबाबत त्यांनी नुकतंच एका मुलाखतीत उत्तर दिलं. नाना विराट कोहलीचे खूप मोठे चाहते आहेत. त्यांना विराटला मैदानात खेळताना बघायला फार आवडतं, तो बाद झाल्यावर जेवण करायची इच्छा उरत नाही, असंही नाना म्हणाले.
“विराट कोहली मला खूप आवडतो. विराट लवकर बाद झाला की माझी भूक मरते. काहीच खावेसे वाटत नाही,” असं आपल्या आवडत्या क्रिकेटपटबद्दल नाना पाटेकर यांनी टीव्ही ९ ला दिलेल्या मुलाखतीत सांगितलं. सिडनीमध्ये खेळल्या जात असलेल्या शेवटच्या कसोटीत विराट ऑफ स्टंपच्या बाहेर जाणाऱ्या चेंडूवर आऊट झाला. त्यानंतर सोशल मीडियावर अनेकांनी नाना पाटेकरांच्या या वक्तव्याचा उल्लेख करत ते आज जेवणार नाहीत, असे मीम्स बनवले.
विराट फक्त सात धावांवर बाद झाल्यानंतर सोशल मीडियावर नेटकऱ्यांनी त्याला ट्रोल केलं. अनेकांनी नाना पाटेकरांचं नाव घेत मजेशीर पोस्ट केल्या. त्या पोस्ट चांगल्याच व्हायरल झाल्या आहेत.
पाहा पोस्ट –
सोशल मीडियावर ना
दरम्यान, नाना पाटेकर नुकतेच ‘वनवास’ चित्रपटात झळकले होते. या चित्रपटात त्यांच्याबरोबर उत्कर्ष शर्मा, सिमरत कौर, खुशबू सुंदर या कलाकारांच्या भूमिका होत्या. हा चित्रपट २० डिसेंबरला प्रदर्शित झाला होता. या चित्रपटाकडे प्रेक्षकांनी पाठ फिरवल्याचं दिसून आलं. ‘पुष्पा २’ व ‘मुफासा’च्या क्रेझमध्ये ‘वनवास’ प्रेक्षकांना आकर्षित करू शकला नाही, परिणामी चित्रपट बजेटइतकेही पैसे कमवू शकला नाही.
