अमिताभ बच्चन यांची नात नव्या नवेली नंदा ही मनोरंजनसृष्टीतील पदार्पणाच्या आधीपासूनच खूप चर्चेत असते. अजून तिने बॉलीवूडमध्ये पदार्पण जरी केलं नसलं तरीही तिचा चाहतावर्ग खूप मोठा आहे. तिच्याबद्दल जाणून घेण्यासाठी तिचे चाहते नेहमीच उत्सुक असतात. नव्यादेखील सोशल मीडियावर सक्रिय राहून तिच्या आयुष्यात घडणाऱ्या घडामोडी चाहत्यांशी शेअर करत असते. आता तिला तिच्या कपड्यांवरून ट्रोल करू पाहणाऱ्या एका नेटकऱ्याला नव्याने उत्तर देत गप्प केलं आहे. नव्या सध्या गुजरातमध्ये आहे. शहरातील धावपळीच्या जगातून थोडं लांब जात गुजरातमध्ये ती गावाकडील शांत आणि निवांत जीवनशैलीचा आनंद घेत आहे. या ट्रिपदरम्यानचे अनेक फोटो आणि व्हिडीओ तिने सोशल मीडियावर पोस्ट केले. यातील एका व्हिडीओमध्ये ती चक्क ट्रॅक्टर चालवतानाही दिसली. परंतु त्यावर कमेंट करत एका नेटकऱ्याने तिला ट्रोल करण्याचा प्रयत्न केला. आणखी वाचा : लग्न न करताच बाळ होण्याबद्दल जया बच्चन यांनी केलेल्या विधानावर नात नव्याची प्रतिक्रिया; म्हणाली… या व्हिडीओमध्ये ट्रॅक्टर चालवत असताना नव्याने साधा कॉटनचा ड्रेस परिधान केलेला दिसत आहे. तिचा हा लूक पाहून एका नेटकऱ्याने लिहिलं, "सॉरी, पण एकच ड्रेस तू पुन्हा पुन्हा घालतेस का? याच ड्रेसमध्ये तू आधी मध्य प्रदेशची टूर केली होतीस." नेटकऱ्याच्या या कमेंटवर नव्यानेदेखील शांतपणे उत्तर देत रिसायकलिंगचा हॅशटॅग वापरला. हेही वाचा : बिग बींच्या नातीची खवय्येगिरी; रस्त्याच्या कडेला चाट-पापडीचा आस्वाद घेताना दिसली नव्या, फोटो चर्चेत आता नव्याच्या या कमेंटने सर्वांचीच मनं जिंकली आहेत. या कमेंटवर प्रतिक्रिया देत नेटकरी तिच्या साधेपणाचं खूप कौतुक करत आहेत. नव्याची ही कमेंट आता चांगली चर्चेत आली आहे.
