अभिनेता नवाजुद्दीन सिद्दीकीच्या घरात वाद झाला आहे. अभिनेत्याच्या आईने त्याच्या पत्नीविरोधात पोलिसांमध्ये तक्रार दिली आहे. नवाजुद्दीन सिद्दीकीची आई मेहरुनिसा सिद्दीकी यांनी नवाजुद्दीनची पत्नी झैनब उर्फ आलिया हिच्या विरोधात एफआयआर दाखल केला आहे.
टीव्ही ९ हिंदीने दिलेल्या वृत्तानुसार, आलिया नवाजुद्दीनच्या बंगल्यात गेल्यावर तिथे तिचा नवाजुद्दीनच्या आईबरोबर वाद झाल्याची माहिती समोर आली आहे. या प्रकरणी वर्सोवा पोलिसांनी आलियाला चौकशीसाठी बोलावले आहे. नवाजुद्दीन सिद्दीकीच्या आईच्या तक्रारीच्या आधारे वर्सोवा पोलिसांनी आलियाविरुद्ध गुन्हा दाखल केला आहे. तिच्याविरुद्ध भादंवि कलम ४५२, ३२३, ५०४, ५०६ अन्वये गुन्हा दाखल करण्यात आला आहे.
अनुष्का शर्मा-विराट कोहलीच्या बॉडीगार्डचा पगार ऐकून व्हाल थक्क, वर्षाकाठी देतात ‘इतके’ कोटी
नवाजुद्दीन, नवाजुद्दीनची आई आणि आलिया यांच्यात अनेक वर्षांपासून संपत्तीचा वाद सुरू आहे. त्याच वादातून ही तक्रार केली गेली असू शकते असं म्हटलं जातंय. दोघींमध्ये वाद झाल्यानंतर मेहरुनिसा यांनी वर्सोवा पोलिसांत आलियाविरोधात तक्रार दिली असून पोलिसांनी आलियाला चौकशीसाठी बोलावलं आहे.
दरम्यान, नवाजुद्दीन सिद्दीकी आणि आलियाचे लग्न २००९ मध्ये झाले होते. या दोघांना शोरा नावाची एक मुलगी असून यानी नावाचा एक मुलगा देखील आहे.
