बॉलिवूडमधील प्रसिद्ध फॅशन डिझायनर मसाबा गुप्ताचा पूर्वाश्रमीचा पती मधू मंटेना याने दुसऱ्यांदा लग्नगाठ बांधली आहे. मधू मंटेना व इरा त्रिवेदीने ११ जूनला लग्नाच्या बेडीत अडकत नव्या आयुष्याला सुरुवात केली आहे. त्यांच्या विवाहसोहळ्याला बॉलिवूडमधील अनेक सेलिब्रिटींनी हजेरी लावली होती.
इरा त्रिवेदीशी लग्नगाठ बांधल्यानंतर मधू मंटेनाने विवाहसोहळ्यातील खास फोटो सोशल मीडियावर शेअर केले आहेत. या फोटोला त्याने “आता मी पूर्ण झालो. इतके आनंद व सुखाचे क्षण मी यापूर्वी आयुष्यात कधीच अनुभवलं नाही,” असं कॅप्शन दिलं आहे.
हेही वाचा>> एकनाथ शिंदेंच्या बंडावर नारायण राणेंनी केलं भाष्य, म्हणाले, “मी शिवसेनेत असतो तर…”
या फोटोवर मसाबा गुप्ताची आई व प्रसिद्ध बॉलिवूड अभिनेत्री नीना गुप्ता यांनी कमेंट केली आहे. नीना गुप्ता यांनी कमेंट करत मधू मंटेना व इरा त्रिवेदीचं अभिनंदन केलं आहे. मसाबा गुप्ता ही नीना गुप्ता व विवियन रिचर्डस यांची मुलगी आहे.
हेही वाचा>> Adipurush : ‘आदिपुरुष’ ओटीटी प्लॅटफॉर्मवर होणार प्रदर्शित, कुठे पाहता येईल? जाणून घ्या
मधू मंटेना व मसाबा गुप्ताने २०१५ साली लग्न केलं होतं. परंतु, लग्नाच्या चार वर्षांनंतर त्यांनी घटस्फोट घेतला. २०१९ मध्ये मधू मंटेनापासून वेगळं झाल्यानंतर मसाबा सत्यदीप मिश्राला डेट करत होती. काही वर्ष डेट केल्यानंतर मसाबा व सत्यदीप मिश्राने जानेवारी महिन्यात लग्न केलं.
