“चित्रपटात गोरिला का दाखवलेत…,” ‘आदिपुरुष’वर नेटकऱ्यांची जोरदार टीका, म्हणाले, “धर्माचं नाव…”

गेले अनेक दिवस या चित्रपटाची टीम या चित्रपटाचं जोरदार प्रमोशन करत होती. वेगवेगळ्या शहरांना भेटी देऊन त्याचबरोबर सोशल मीडियावर विविध पोस्ट शेअर करीत हा चित्रपट पाहण्यासाठी ते प्रेक्षकांना आवाहन करत होते. मात्र या चित्रपटात दाखवण्यात आलेली दृश्यं अनेकांना खटकली. त्यावरून आता नेटकरी नाराजी व्यक्त करीत आहेत.

आणखी वाचा

हास्यतरंग : माझी स्वप्न…

भारतासाठी धोक्याची घंटा? चीनमध्ये सापडला लिथियमचा मोठा साठा,…

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

आणखी वाचा : हनुमानाच्या बाजूला बसून ‘आदिपुरुष’ पाहण्यासाठी मोजावी लागणार अधिक किंमत? जाणून घ्या काय असेल तिकिटाची किंमत

क्रिती सेनॉनने ‘आदिपुरुष’ चित्रपटाशी संबंधित एक पोस्ट सोशल मीडियावर शेअर केली. त्यावर कमेंट्स करत नेटकऱ्यांनी या चित्रपटावर जोरदार टीका करायला सुरुवात केली आहे. या चित्रपटातील संवाद, चित्रपटात वापरले गेलेले व्हीएफएक्स, कलाकारांचा अभिनय हे सगळंच नेटकऱ्यांच्या पसंतीस पडलेलं नाही. क्रितीच्या या पोस्टवर कमेंट करत नेटकऱ्यांनी या चित्रपटावर टीका करायला सुरुवात केली.

हेही वाचा : कलाकारांना तगडी फी, व्हीएफएक्सवर मोठा खर्च; ‘आदिपुरुष’चं बजेट माहितेय का? आकडा वाचून व्हाल आवाक्

एकाने कमेंट करत लिहिलं, “अरे प्रभास जरा हस. प्रभू श्रीराम कधीही त्यांच्या आयुष्यात असा चेहरा करून वावरले नसतील.” तर दुसरा म्हणाला, “या चित्रपटामध्ये गोरिला का दाखवले आहेत? तेही सर्व एकसारखे दिसणारे. वानरसेना काय नाश्ता करायला गेली?” तर आणखी एक जण म्हणाला, “देवाच्या नावावर पैसे कमावणारा बॉलीवूड.” आणखी एकाने लिहिलं, “असेच चित्रपट धर्माचं नाव खराब करतात.” तर आणखी एक जण म्हणाला, “रामायणाची तुम्ही मजा बनवून ठेवली आहे. एकीकडे दाढी नसलेला राम तर नंतर लगेच ट्रिम बीयर्ड असलेला राम.” तर आणखी एकाने लिहिलं, “आमचे प्रभू श्रीराम असे नक्कीच नाहीत जसे यांनी चित्रपटात दाखवले आहेत.”