२०१२ साली हिट झालेल्या ‘ओएमजी’ (ओ माय गॉड) या चित्रपटाचा ‘ओएमजी २’ (OMG 2) हा सिक्वेल लवकरच प्रेक्षकांच्या भेटीस येणार आहे. आज ‘ओएमजी २’ या चित्रपटाची दोन पोस्टर प्रदर्शित करण्यात आली. एका पोस्टरमध्ये अभिनेता अक्षय कुमार भगवान शंकराच्या अवतारात दिसत आहे. तर, दुसऱ्या पोस्टरमध्ये अभिनेता पंकज त्रिपाठी हा त्याच्या व्यक्तिरेखेत पाहायला मिळत आहे. ‘ओएमजी २’ची ही दोन्ही पोस्टर अक्षय कुमारनं सोशल मीडियावर शेअर केलीआहेत. मात्र, हे पोस्टर पाहून नेटकरी संतापल्याचे पाहायला मिळत आहे. “हिंदू धर्माचा अपमान करणारा चित्रपट नसावा, हीच अपेक्षा,” असं नेटकरी म्हणत आहेत.
हेही वाचा – “मी अजय देवगणविरोधात खटला दाखल केला तर…”; काजोलनं सांगितलं काय होईल
‘ओएमजी’ या चित्रपटात अक्षय कुमार श्रीकृष्णाच्या भूमिकेत पाहायला मिळाला होता. त्यानंतर आता ‘ओएमजी २’मध्ये अक्षय भगवान शंकराच्या अवतारात दिसणार आहे. पोस्टरमध्ये कपाळावर भस्म, गळ्यात रुद्राक्षांची माळ अशा शंकराच्या अवतारात अक्षय दिसत आहे. त्याने हे पोस्टर शेअर करत लिहिलं की, ‘ओएमजी २’ ११ ऑगस्टला चित्रपटगृहात प्रदर्शित होणार आहे. चित्रपटाचा ट्रेलर लवकरच येईल.” तर पंकज त्रिपाठी असलेला दुसरे पोस्टर शेअर करत अक्षयनं लिहिलंय, ‘सत्याच्या मार्गावर भेटू.’
हेही वाचा – Video: “ते कधीच…,” नितीन गडकरींनी सांगितली शरद पवारांबद्दल खुपणारी गोष्ट
हे पोस्टर पाहून एक नेटकरी म्हणाला, ‘जर या चित्रपटात हिंदू धर्माविषयी काही उलटसुलट दाखवलं, तर काही खैर नाही. कारण- बॉलीवूडचे चित्रपट जेव्हा पाहतो तेव्हा त्यात हिंदू धर्माविषयीच अपमानजनक चित्रण दाखवलं जातं. तुमच्याकडून चांगली अपेक्षा आहे. जय महाकाल.’ तर दुसऱ्या नेटकऱ्यानं थेट इशारा देत लिहिलंय, ‘हिंदू धर्माचा अपमान केला तर विचार करा काय होईल?” तसेच तिसऱ्या नेटकऱ्यानं लिहिलंय, ‘आता ‘आदिपुरुष’नंतर भगवान शंकराबरोबर चेष्टा नको.”
हेही वाचा – सकीना-तारा सिंहच्या लव्ह स्टोरीमध्ये नाना पाटेकरांची दमदार एंट्री, दिसणार ‘या’ भूमिकेत
‘ओएमजी २’ चित्रपटात अक्षय कुमार आणि पंकज त्रिपाठीव्यतिरिक्त अभिनेत्री यामी गौतम प्रमुख भूमिकेत दिसणार आहे. ११ ऑगस्टला ‘ओमएमजी २’ या चित्रपटाबरोबर सनी देओल व अमिषा पटेलचा बहुचर्चित चित्रपट ‘गदर २’ प्रदर्शित होणार आहे. त्यामुळे बॉक्स ऑफिसवर या दोन्ही सिक्वेल चित्रपटांची चांगलीच टक्कर पाहायला मिळणार आहे.
