दिग्गज हिंदी चित्रपट निर्माते आनंद पंडित यांचा गुरुवारी (२१ डिसेंबर ) ६० वा वाढदिवस होता. त्यांच्या वाढदिवसानिमित्त पार्टीचे आयोजन करण्यात आले होते. या पार्टीला बॉलीवूडमधील जवळपास सर्वच कलाकारांनी हजेरी लावली. पण या पार्टीत सर्वात जास्त लक्ष वेधून घेतलं ते सलमान खान आणि बच्चन यांच्या भेटीने.
सलमान खानने मंचावर महानायक अमिताभ बच्चन यांची भेट घेतली. त्यांची गळाभेट घेतल्यानंतर सलमानने अभिषेकला मिठी मारली. त्यानंतर मंचावर सलमान खान व अभिषेक बच्चन बराच वेळ एकमेकांशी बोलत होते, असं दिसून आलं. त्यांचा हा व्हिडीओ ‘वरिंदर चावला’ या पापाराझी अकाउंटवरून शेअर करण्यात आला आहे.
सलमान खान व अभिषेक बच्चन यांचा व्हिडीओ पाहून चाहते प्रतिक्रिया देत आहे. खरं तर चाहत्यांनी या व्हिडीओवर कमेंट्सचा पाऊसच पाडला आहे. ‘मुलांची त्यांच्या एक्स पार्टनरच्या विद्यमान पार्टनरशी मैत्री असू शकते, याचे सर्वोत्तम उदाहरण,’ काहींना अभिषेकला टोला लगावला आहे. ‘अभिषेकला आता इंडस्ट्रीत काम मिळेल,’ अशी कमेंट एका युजरने केली आहे.
‘सर्वांनी त्याच्याबद्दल म्हटल्याप्रमाणे, तो या इंडस्ट्रीतील सर्वात दयाळू आणि शुद्ध मनाचा अभिनेता आहे,’ अशी कमेंट एका युजरने केली आहे. तर एका नेटकऱ्याने अभिषेक व ऐश्वर्याच्या घटस्फोटाबद्दल सुरू असलेल्या चर्चांचा संदर्भ देत मजेशीर कमेंट केली आहे. ‘तुम्ही दोघे उगाच नाटकं करू नका, माझ्या आशा पुन्हा पल्लवीत होत आहेत,’ असं या नेटकऱ्याने म्हटलं आहे.
दरम्यान, सलमान खान व अभिषेकच्या या व्हिडीओला चाहत्यांचं खूप प्रेम मिळत आहे. अनेक चाहत्यांनी या व्हिडीओवर रेड हार्ट इमोजी कमेंट्स केल्या आहेत. या व्हिडीओची सध्या खूप चर्चा आहे.
